విండీస్‌తో జరుగుతున్న తొలి టెస్టులో భారత్ పట్టుబిగించింది. తొలి ఇన్నింగ్స్‌లో 297 పరుగులకు ఆలౌట్ అయిన భారత్ తర్వాత విండీస్‌ను కట్టడిచేయడంలో సక్సెస్ అయింది. రెండోరోజు ఆటముగిసే సమయానికి కరెబియన్లు 8 వికెట్లు కొల్పోయి 189 పరుగులు చేసింది.
ఇన్నింగ్స్‌ మెరుగ్గానే ఆరంభించినా ఎక్కువసేపు నిలుపుకోలేకపోయింది. క్యాంప్‌బెల్‌(23) ,బ్రాత్‌వైట్‌(14), బ్రూక్స్(11) ,డారెన్‌ బ్రావో(18) తక్కువ స్కోరుకే వెనుదిరిగిన రోచ్‌ ఒంటరి పోరాటం చేశాడు. రోచ్‌(48),షై హోప్‌(24),హెట్‌మైయర్‌(35) పరుగులు చేశారు. ప్రస్తుతం క్రీజులో హోల్డర్‌(10),కమిన్స్ ఉన్నారు. ఇషాంత్ శర్మ 5 వికెట్లు తీసి విండీస్ పతనాన్ని శాసించాడు.
బ్రావోను పెవిలియన్‌కు పంపడం ద్వారా బుమ్రా టెస్టు క్రికెట్‌లో 50 వికెట్ల ఖాతాలో చేరాడు. 11 టెస్టుల్లోనే అతని ఈ రికార్డు అందుకోవడం విశేషం.టెస్టుల్లో ఒకే మ్యాచ్‌లో ఐదు వికెట్లు పడగొట్టడం ఇషాంత్‌కిది తొమ్మిదోసారి. వెస్టిండీస్‌పై మూడోసారి.
అంతకముందు తొలి రోజు 203/6 పరుగుల ఓవర్‌ నైట్ స్కోరుతో బ్యాటింగ్ ప్రారంభించిన భారత్ జడేజా రాణించడంతో 297 పరుగులు చేయగలిగింది పంత్‌ (24) ,ఇషాంత్ (19 )కి తోడు డేజా(58) అద్భుత పోరాటం చేశాడు.విండీస్ బౌలర్లలో రోచ్‌ నాలుగు వికెట్లు పడగొట్టాడు.
