వ‌రుణ్ తేజ్ హీరోగా హిట్ చిత్రాల నిర్మాత దిల్‌రాజు శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై శేఖర్ క‌మ్ముల ద‌ర్శ‌క‌త్వంలో రూపొందించిన ల‌వ్ అండ్ ఫ్యామిలీ ఎంట‌ర్‌టైన‌ర్ `ఫిదా`. జూలై 21న వ‌ర‌ల్డ్‌వైడ్‌గా విడుద‌లైన ఈ చిత్రం సెన్సేష‌న‌ల్ హిట్ టాక్‌తో బాక్సాఫీస్ వ‌ద్ద స‌క్సెస్‌ఫుల్‌గా ర‌న్ అవుతుంది.
ఫ్లాపుల్లో ఉన్న వ‌రుణ్ తేజ్, శేఖర్ క‌మ్ముల ఇద్ద‌రికీ అదిరిపోయే రీఎంట్రీ ఇచ్చింది ‘ఫిదా’ మూవీ. ఈ చిత్ర ఘన విజ‌యం ఆ ఇద్ద‌రి కెరీర్‌కి కావాల్సినంత బూస్ట్ దొరికిన‌ట్టు అయింది. ఈ సినిమా రిలీజైన తొలి మూడు రోజుల్లోనే దాదాపు 20 కోట్లు వ‌సూలు చేసి బాక్సాఫీస్ వ‌ద్ద పెద్ద విజ‌యాన్ని న‌మోదు చేసింది. ఇక ఐదు రోజుల‌కే పంపిణీదారులంద‌రినీ ఖుషీ చేస్తూ బ్రేక్ ఈవెన్ సాధించేయ‌డం హాట్ టాపిక్ అయ్యింది.
హ్యాపీడేస్ ఈజ్ బ్యాక్‌! ఐదురోజుల్లో `ఫిదా` ఏకంగా 30 కోట్ల గ్రాస్ వ‌సూలు చేసింది. ఇందులో 16.5 కోట్లు డిస్ట్రిబ్యూటర్ షేర్‌. ప్రింటు, ప‌బ్లిసిటీ అన్నీ క‌లిపి ఫిదా కోసం ఖ‌ర్చు చేసిన‌ది 18 కోట్లు. అంటే ఆ మేర‌కు ఇప్ప‌టికే బ‌డ్జెట్ రిక‌వ‌రీ అయిన‌ట్టే. ఇక‌నుంచి రాబోయేదంతా లాభ‌మేన‌ని ట్రేడ్ నిపుణుల గ‌ణాంకాలు చెబుతున్నాయి. మొత్తానికి దిల్‌ రాజు హ‌వా న‌డుస్తోంది. మ‌రో విజ‌యం త‌న ఖాతాలో ప‌డింది.మరి శేఖర్ క‌మ్ముల‌కు, వ‌రుణ్‌తేజ్‌కి కూడా కెరీర్‌ప‌రంగా ఈ సినిమా కలిసొచ్చిందనే చేప్పాలి.
