రాహుల్ వ్యాఖ్యలపై స్పందించిన ఫేస్ బుక్…

ఇండియాలో ఫేస్ బుక్, వాట్సాప్ లను బీజేపీ, ఆర్ఎస్ఎస్ తమ చెప్పుచేతుల్లో ఉంచుకున్నాయని కాంగ్రెస్ నేత రాహుల్ గాంధీ ఆరోపించిన సంగతి తెలిసిందే. ఫేస్ బుక్ ద్వారా ఫేక్ న్యూస్, విద్వేషపూరిత భావజాలన్ని వ్యాప్తి చేస్తున్నారని, ఈ మాధ్యమాల ద్వారా ఓటర్లను కూడా ప్రభావితం చేస్తున్నారని….. చివరికి ఫేస్ బుక్ బండారం అమెరికా మీడియా బయటపెట్టిందని రాహుల్ ఈ సందర్భంగా పేర్కొన్నారు.

రాహుల్ వ్యాఖ్యలను హైలైట్ చేస్తూ ఇవాళ అన్ని పత్రికలు వార్తలను ప్రచురించగా ఈ వార్తలపై స్పందించింది ఫేస్ బుక్. హింసను ప్రేరేపించే ఫేక్ న్యూస్, ద్వేషపూరిత సంభాషణ ,కంటెంట్‌ను అనుమతించమని ఇది తమ పాలసీ అని తెలిపింది. ఏ రాజకీయ పార్టీతో తమకు సంబంధం లేదని ప్రపంచవ్యాప్తంగా ఇదే పాలసీతో ముందుకు వెళ్తున్నామని తెలిపారు.