హైదరాబాద్‌ ఇబ్రహీపట్నం చౌరస్తాలో భారీ పేలుడు

హైదరాబాద్‌లోని ఇబ్రహీపట్నం చౌరస్తాలో భారీ పేలుడు సంచలనం సృష్టించింది. పార్కింగ్‌లో ఉన్న స్కూటర్‌లో డిక్కీలో ఈ పేలుడు చోటు చేసుకుంది. ఒకరికి తీవ్రగాయాలయ్యాయి. సమాచారం అందుకున్న పోలీసులు దర్యాప్తు చేపట్టారు. పేలుడు తీవ్రత తక్కువగా ఉండడంతో ఎక్కువ నష్టం జరగలేదని పోలీసులు వెల్లడించారు. ఉరి ఘటన తరువాత ఉగ్రవాదులు రెచ్చిపోయే ప్రమాదం ఉందని కేంద్రం ముందుగానే అన్ని రాష్ట్రాలను హెచ్చరించిన సంగతి తెలిసిందే.. కాగా స్థానికుల చెప్పిన ప్రకారం.. ఈ స్కూటర్ అక్కడ టిఫిన్ సెంటర్ నడుపుకునే వ్యక్తిదని తెలుస్తోంది. మిగతా వివరాలు తెలియాల్సి ఉంది.