హైదరాబాద్ నగరంలో ఆన్లైన్ డెలివరీ సంస్థల గోడౌన్లలో ఫుడ్ సేఫ్టీ అధికారులు నిర్వహించిన దాడుల్లో షాకింగ్ విషయాలు వెలుగులోకి వచ్చాయి. ప్రముఖ ఆన్లైన్ డెలివరీ సంస్థల గోడౌన్లలో కాలం చెల్లిన (ఎక్స్పైర్డ్) వస్తువులు మరియు కుళ్లిన ఆహార పదార్థాలు లభ్యమయ్యాయి.
జెప్టో, స్విగ్గీ, జొమాటో, బ్లింక్ ఇట్, బిగ్ బాస్కెట్, ఫ్లిప్ కార్ట్, రిలయెన్స్ జియో మార్ట్, అమెజాన్ వంటి పలు కీలకమైన ఆన్లైన్ డెలివరీ సంస్థలకు చెందిన మొత్తం 75 గోడౌన్లపై ఫుడ్ సేఫ్టీ అధికారులు ఏకకాలంలో దాడులు నిర్వహించారు. దాడుల్లో అధికారులు కుళ్లిన కూరగాయలు మరియు ప్రజల ఆరోగ్యానికి హాని కలిగించే అనేక ఇతర కాలం చెల్లిన సరుకులను గుర్తించి సీజ్ చేశారు.
Also Read:నరేష్ అగస్త్యతో చైతన్య గండికోట
ప్రజల ఆరోగ్యానికి సంబంధించిన విషయంలో నిర్లక్ష్యంగా వ్యవహరించినందుకు గాను, సదరు సంస్థలకు అధికారులు నోటీసులు జారీ చేశారు.ఆన్లైన్ ద్వారా వినియోగదారులకు నాణ్యతలేని, కాలం చెల్లిన ఉత్పత్తులు అందుతున్నాయనే ఆందోళన ఈ దాడుల ద్వారా మరింత బలపడింది. భవిష్యత్తులో ఇటువంటి అక్రమాలు జరగకుండా నిరోధించడానికి పటిష్ట చర్యలు తీసుకుంటామని అధికారులు తెలిపారు.