ఎనర్జిటిక్ హీరో రామ్ తెలుగు చిత్ర పరిశ్రమలో తనకంటూ ప్రత్యేక గుర్తింపు నేర్పర్చుకున్నారు. రామ్ ప్రస్తుతం హలో గురు ప్రేమకోసమే అనే చిత్రంతో ప్రేక్షకుల ముందుకు రానున్నారు. ఈ సినిమా విడుదలకు సిద్ధం అవుతుండగానే.. రామ్ మరో సినిమాపై దృష్టి సారిస్తున్నారు. అయితే ఆయన గరుడవేగ సినిమాతో మంచి విజయాన్ని అందుకున్న ప్రవీణ్ సత్తారుతో ఓ సినిమాకు గ్రీన్ సిగ్నల్ ఇచ్చాడు. కానీ డైరెక్టర్ చెప్పిన కథ ప్రకారం ఈ సినిమా చిత్రీకరణ విదేశాలలో జరుపుకోవలసి ఉంటుంది. ఈ సినిమాను తాము నిర్మిస్థామని చెప్పిన భవ్యక్రేషన్స్ అనుకున్న దానికంటే బడ్జెట్ ఎక్కువ కావడంతో ఈ సినిమా నుంచి తప్పుకుంది.
ఈ నేపథ్యంలో ఈ సినిమాను నిర్మించేందుకు స్రవంతి బ్యానర్ ముందుకు వచ్చింది. కానీ ఇప్పుడు వీళ్లకు కూడా బడ్జెట్ విషయంలో సందేహాలు మొదలైనట్టుగా ఫిలింనగర్ లో టాక్ వినిపిస్తోంది. ఈ సినిమా బడ్జెట్ అనుకున్న దానికంటే భారీగా పెరిగిపోయే అవకాశాలు ఉండడంతో అటు రవి కిషోర్, ఇటు రామ్ ఇద్దరూ ఆలోచనలో పడినట్టుగా ఫిలింనగర్ జనాలు చెప్పుకుంటున్నారు. మరి ఈ చిత్రాన్ని రవికిషోర్ నిర్మిస్తాడో లేదో చూడాలి ఇక.
మరోవైపు ‘హలో గురు ప్రేమకోసమే’తో రామ్ త్వరలో ప్రేక్షకుల ముందుకు రానున్నారు. లవ్ అండ్ ఫన్ ఎంటర్ టైనర్ గా తెరకెక్కుతున్న ఈ చిత్రంలో రామ్ కి సరసన అనుపమ పరమేశ్వరన్ నటిస్తోంది. ఈ చిత్రానికి నేను లోకల్ ఫేమ్ డైరెక్టర్ త్రినాధరావు నక్కి దర్శకత్వం వహిస్తున్నారు. ఈ చి్త్రంలో విలక్షణ నటుడు ప్రకాశ్ రాజ్ ఓ కీలక పాత్రలో పోషిస్తున్నారు.ఈ
చిత్రానికి ప్రముఖ నిర్మాత దిల్ రాజ్ ప్రొడ్యూసర్ గా వ్యవహరిస్తున్నారు.
