‘ఏమో ఏమో’ అంటున్న పవన్‌..

ప‌వ‌ర్‌స్టార్ ప‌వ‌న్‌క‌ళ్యాణ్ లేటెస్ట్ మూవీ కాట‌మ‌రాయుడు. కోలీవుడ్ హిట్ మూవీ వీర‌మ్ సినిమాకు రీమేక్‌గా వ‌స్తోన్న ఈ సినిమా అన్ని కార్య‌క్ర‌మాలు కంప్లీట్ చేసుకుని ఈ నెల 24న థియేట‌ర్ల‌లోకి వ‌చ్చేందుకు రెడీ అవుతోంది. ప‌వ‌న్ స‌ర‌స‌న శృతీహాస‌న్ హీరోయిన్‌గా న‌టిస్తోన్న ఈ సినిమాకు గోపాల‌…గోపాల ఫేం డాలీ ద‌ర్శ‌క‌త్వం వ‌హిస్తున్నాడు.

ఇక ఇప్ప‌టికే రిలీజ్ అయిన కాట‌మ‌రాయుడు టీజ‌ర్‌, పోస్టర్స్… అభిమానులను విశేషంగా ఆకట్టుకున్నాయి. ఇక టీజర్ యూట్యూబ్‌లో కొత్త రికార్డులను క్రియేట్ చేసింది. తాజాగా విడుదల చేస్తున్న ఒక్కోపాట అభిమానుల్ని తెగ అలరిస్తోంది.  ‘ఏమో ఏమో ఏంటో.. ఏమయ్యిందో ఏమో ఏంటో.. ముళ్లతీగ మీద మల్లె పూసేసిందేంటో..’ అంటూ సాగే ఈ పాటను చిత్రబృందం గురువారం విడుదల చేసింది. విడుదలైన 20 నిమిషాల్లోనే 50 వేల వ్యూస్‌, 10 వేలకుపైగా లైక్‌లు సొంతం చేసుకుంది.