టాలెంటెడ్ యంగ్ హీరో విశ్వ‌క్ సేన్‌కు యూత్‌లో మంచి ఫాలోయింగ్ ఉంది. నిజానికి విశ్వ‌క్ సేన్ యువ‌త‌ను ఆక‌ర్షించే చిత్రాల‌నే ఎక్కువ‌గా ఎంచుకుంటున్నాడు. విశ్వ‌క్ సేన్ హీరోగా న‌టిస్తోన్న తాజా చిత్రం పాగ‌ల్‌కి కూడా యూత్‌లో మంచి బ‌జ్ ఏర్ప‌డింది. ఈ రోజు పాగ‌ల్ చిత్రం నుండి ఈ సింగిల్ చిన్నోడే.. పాటను రిలీజ్ చేశారు మేక‌ర్స్‌.
ఈ సింగ‌ల్ చిన్నోడే..న్యూ ల‌వ్వులో ఫ్రెష్షుగా ప‌డ్డాడే..సిగ్న‌ల్ గ్రీనే చూశాడే ప‌రుగులు పెట్టాడే`అంటూ సాగే ఈ పాట సాహిత్యానికి త‌గ్గ‌ట్టుగా హీరో ప్రతిసారీ వేర్వేరు అమ్మాయిలతో ప్రేమలో పడడం.. అతను ప్రేమలో ఉన్న తాజాదనాన్ని అనుభవించే సంద‌ర్భంలో వ‌చ్చే పాట అని తెలుస్తోంది.
ఈ సాంగ్‌లో సిమ్రాన్ చౌదరి మరియు మేఘా లేఖతో రొమాంటిక్ రిలేష‌న్‌షిప్‌లో విశ్వ‌క్ సేన్ క‌నిపిస్తున్నాడు. ఈ పెప్పీ సాంగ్‌ను మ్యూజిక్ డైరెక్టర్ ర‌ధ‌న్‌ స్వ‌ర‌పర‌చ‌గా బెన్నీ దయాల్ ఫుల్ ఎనర్జిటిక్‌గా ఆల‌పించారు. కృష్ణ కాంత్ సాహిత్యం ఆకర్షణీయంగా ఉంది.మ‌రో ఆస‌క్తిక‌ర‌మైన విష‌యం ఏమిటంటే విజయ్ బిన్నీ కొరియోగ్రఫీ చేసిన ఈ పాట‌లో విశ్వ‌క్ సేన్ మొదటిసారి త‌న డ్యాన్సింగ్ స్కిల్స్‌ని ప్రదర్శించాడు.
నరేష్ కుప్పిలి దర్శకత్వంలో మ్యాజిక‌ల్ ల‌వ్‌స్టోరీగా రూపొందుతోన్న ఈ చిత్రాన్ని దిల్‌రాజు స‌మ‌ర్పణ‌లో బెక్కం వేణు గోపాల్ లక్కీ మీడియా అసోసియేషన్ తో శ్రీ వెంకటేశ్వర క్రియేషన్స్ నిర్మిస్తోంది. హీరోయిన్‌ నివేథా పేతురాజ్ తీరా అనే పాత్ర‌లో న‌టిస్తోంది. ఈ చిత్రానికి సినిమాటోగ్ర‌ఫి ఎస్ మ‌ణికంద‌న్‌, ఎడిటింగ్ గ్యారీ బీహెచ్‌.
సాంకేతిక వ‌ర్గం.
బేన‌ర్స్‌: శ్రీ‌వెంక‌టేశ్వ‌ర క్రియేషన్స్, లక్కీ మీడియా
స‌మ‌ర్ప‌ణ: దిల్‌రాజు
నిర్మాత: బెక్కం వేణుగోపాల్‌
స్టోరీ, స్క్రీన్ ప్లే, ద‌ర్శ‌క‌త్వం: నరేష్ కుప్పిలి
డిఒపి: ఎస్. మ‌ణికంద‌న్‌
సంగీతం: ర‌ధ‌న్‌
ఎడిట‌ర్‌: గ్యారీ బీహెచ్‌
లిరిక్స్‌: రామ‌జోగ‌య్య శాస్త్రి, కెకె, అనంత శ్రీ‌రామ్‌,చంద్రబోస్
ఫైట్స్‌: దిలీప్‌సుబ్బ‌రాయ‌న్‌, రామ‌కృష్ణ
డ్యాన్స్: విజయ్ ప్ర‌కాశ్‌
ప్రొడ‌క్ష‌న్ డిజైన‌ర్‌: ల‌తా త‌రుణ్
చీఫ్ కో డైరెక్టర్: వెంక‌ట్ మ‌ద్దిరాల,
ప‌బ్లిసిటి డిజైన‌ర్‌: అనిల్ భాను,
ప్రొడ‌క్ష‌న్ మేనేజ‌ర్‌: సిద్దం విజయ్ కుమార్
పిఆర్ఒ: వంశీ- శేఖ‌ర్‌,వంశీ కాక
