డైరెక్ట‌ర్ త‌రుణ్ భాస్క‌ర్ తాజాగా ద‌ర్శ‌క‌త్వం వ‌హించిన సినిమా ఈ న‌గ‌రానికి ఏమైంది. ఇటివ‌లే ఈసినిమాకు సంబంధించిన ట్రైల‌ర్ ను కూడా విడుద‌ల చేశారు. ఈ ట్రైల‌ర్ కు ప్రేక్ష‌కుల నుంచి మంచి స్పంద‌న వ‌స్తోంది. నెటివిటికి ద‌గ్గ‌ర‌గా తీయ‌డంలో త‌రుణ్ భాస్క‌ర్ స్టైల్. న‌లుగురు కొత్త కుర్రాళ్ల‌ను హీరోలుగా ప‌రిచ‌యం చేస్తూ ఈ న‌గ‌రానికి ఏమైంది సినిమా తీశాడు. యూత్ ఫుల్ ఎంట‌టైన‌ర్ గా ఈసినిమాను తెర‌కెక్కించారు.
ఈ మూవీని ఈనెల 29వ తేదిన చిత్రాన్ని విడుద‌ల చేయ‌నున్నారు. ఈమూవీకి నిర్మాత గా సురేష్ బాబు వ్య‌వ‌హిరించారు. ఈసంద‌ర్భంగా ఈచిత్రానికి సంబంధించిన ప్రీ రిలీజ్ ఈవెంట్ ను నేడు హైద‌రాబాద్ బంజారాహీల్స్ లోని రావి నారాయ‌ణ రెడ్డి ఆడిటోరియంలో ఈరోజు సాయంత్రం 6 గంట‌ల‌కు నిర్వ‌హించ‌నున్నారు.
ఇక ఈ ఆడియో వేడుక‌కు ముఖ్య అతిధులుగా న‌లుగురు స్టార్ లు రానున్న‌ట్లు తెలుస్తోంది. తెలంగాణ ఐటి శాఖ మంత్రి కేటీఆర్, రానా, నాగ చైత‌న్య, విజ‌య్ దేవ‌ర‌కొండ ప‌లువురు హాజ‌రుకానున్నారు. షార్ట్ ఫిలిమ్స్ తో త‌మ ప్ర‌తిభ‌ను నిరూపించుకోవాల‌న్న కొంత మంది యువ‌కుల క‌థ‌గా ఈసినిమాను తెర‌కెక్కించారు త‌రుణ్ భాస్క‌ర్. గ‌తంలో విజ‌య్ దేవ‌ర‌కొండ హీరోగా తీసిన పెళ్లి చూపులు సినిమా ఘ‌న విజయం సాధించ‌గా..మ‌రో సినిమాతో ప్రేక్ష‌కుల ముందుకు వ‌స్తోన్న త‌రుణ్ భాస్క‌ర్ ఏమేర‌కు విజయం సాధిస్తాడో చూడాలి.
