త్వరలో డీఎస్సీ నోటిఫికేషన్ జారీ చేస్తామని వెల్లడించారు మంత్రి సబితా ఇంద్రారెడ్డి. 6,500 పోస్టుల భర్తీకి డీఎస్సీ నోటిఫికేషన్ విడుదల చేయనున్నట్లు తెలిపారు. మీడియాతో మాట్లాడిన సబితా…విద్యారంగంపై సీఎం కేసీఆర్‌ ప్రత్యేక దృష్టి పెట్టారన్నారు.
పాఠశాల విద్యలో 5,089 పోస్టులు, ప్రత్యేక విద్యార్థుల పాఠశాలల్లో 1523 పోస్టుల భర్తీ చేయనున్నట్లు తెలిపారు. ఈసారి టీఎస్‌పీఎస్సీ ద్వారా కాకుండా డీఎస్సీ ద్వారానే పోస్టుల భర్తీ చేస్తామని చెప్పారు. దీనికి సంబంధించి రెండ్రోజుల్లోనే నోటిఫికేషన్, విధివిధానాలను విడుదల చేస్తామని స్పష్టం చేశారు.
ఈ ఏడాది విద్యారంగానికి రూ.29,613 కోట్లు కేటాయించారని …గురుకులాల్లో మనందరం గర్వపడేలా సత్ఫలితాలు వస్తున్నాయన్నారు. కాంట్రాక్టు ఉద్యోగులను ఇప్పటికే క్రమబద్ధీకరించామని…అన్ని స్థాయిల విద్యాసంస్థల్లో మరిన్ని పోస్టులను భర్తీ చేస్తున్నామని మంత్రి తెలిపారు.
Also Read:‘తంత్ర’తో సలోని ఈజ్ బ్యాక్
