‘డ్రాగన్’..ఎన్టీఆర్ బర్త్ డే గ్లింప్స్

#NTRNeel చిత్రానికి సంబంధించిన మొదటి గ్లింప్స్ (టీజర్) ఎట్టకేలకు విడుదలైంది. ‘డ్రాగన్’ అని పేరు పెట్టిన ఈ చిత్రంలో జూనియర్ ఎన్టీఆర్ రగ్గడ్ మరియు ఇంటెన్స్ అవతార్‌లో కనిపించి అభిమానులకు కనువిందు చేశారు. దర్శకుడు ప్రశాంత్ నీల్ తెరకెక్కిస్తున్న ఈ మోస్ట్ అవేటెడ్ మూవీ ఇప్పటికే సోషల్ మీడియాలో భారీ అంచనాలను క్రియేట్ చేసింది. ఇవాళ ఎన్టీఆర్ పుట్టినరోజును పురస్కరించుకుని, మేకర్స్ ముందే ప్రకటించినట్లుగా మే 19 అర్ధరాత్రి ఈ చిత్ర టీజర్‌ను విడుదల చేశారు.

ఈ టీజర్‌ను తెలుగు, హిందీ, కన్నడ, తమిళం మరియు మలయాళంతో సహా ఐదు భాషల్లో విడుదల చేశారు. సినిమా ప్రకటించినప్పటి నుండి అప్‌డేట్స్ కోసం ఆత్రుతగా ఎదురుచూస్తున్న అభిమానుల్లో ఈ టీజర్ మరింత ఉత్సాహాన్ని నింపింది.

దర్శకుడు ప్రశాంత్ నీల్ కెరీర్‌లోనే ఇది అత్యంత ప్రతిష్టాత్మకమైన ప్రాజెక్ట్‌గా చెబుతున్నారు. కేజీఎఫ్ (KGF), సలార్ (Salaar) వంటి బ్లాక్‌బస్టర్ల తర్వాత, ప్రశాంత్ నీల్ ఎన్టీఆర్‌తో ఎలాంటి మ్యాజిక్ చేయబోతున్నారనే ఆసక్తి అందరిలోనూ నెలకొంది. ఈ చిత్రం జూన్ 11, 2027న ప్రపంచవ్యాప్తంగా విడుదల కానుంది.

Also Read:హైపర్‌ టెన్షన్..‘సైలెంట్ కిల్లర్’!