ప్రధాని నరేంద్ర మోదీకి.. మాజీ ప్రధాని మన్మోహన్ సింగ్ ఇవాళ లేఖ రాశారు. నెహ్రూ స్మారక కేంద్రంలో ఇప్పటి వరకు దేశానికి ప్రధానిగా సేవలు చేసిన వారి జీవిత విశేషాలను పొందుపరచాలని ఇటీవల మోదీ ప్రభుత్వం నిర్ణయించింది.
దీంతో మన్మోహన్ ఈ అంశంపై స్పందించారు. దేశరాజధాని ఢిల్లీలో ఉన్న నెహ్రూ మ్యూజియంను మార్చకూడదంటూ మన్మోహన్ సింగ్..ఆ లేఖలో ప్రస్థావించారు.
తీన్‌మూర్తీ కాంప్లెక్స్‌లోని నెహ్రూ మ్యూజియం కాంగ్రెస్ పార్టీకి చెందినది కాదని, అది యావత్ దేశానికి చెందినదని మన్మోహన్ అన్నారు. మాజీ ప్రధాని వాజ్‌పేయి మృతిచెందిన తర్వాత ఈ అంశంపై ఎన్డీఏ ప్రభుత్వం తీవ్ర కసరత్తులు మొదలుపెట్టడంతో మన్మోహన్ స్పందించి.. నెహ్రూ మ్యూజియంను ఎవరూ డిస్టర్బ్ చేయరాదని, భారత జాతి నిర్మాత, మొదటి ప్రధాని నెహ్రూ కోసం ఆ మ్యూజియంను అంకితం చేశామని, ఆయన గొప్పతనాన్ని శత్రువులు కూడా మెచ్చుకున్నారని, మాజీ ప్రధాని వాజ్‌పేయి కూడా నెహ్రూను కీర్తించారని తన లేఖలో మన్మోహన్ తెలిపారు.
 was dedicated to the memory of India's ....){kind=link}