ప్రఖ్యాత దర్శకుడు ప్రియదర్శన్ ప్రస్తుతం తన రాబోయే చిత్రం భూత్ బంగ్లా ప్రమోషన్లలో బిజీగా ఉన్నారు. ఈ సినిమాలో బాలీవుడ్ స్టార్ అక్షయ్ కుమార్ ప్రధాన పాత్రలో నటిస్తున్నారు. ఈ చిత్రం 2026 ఏప్రిల్ 10న థియేటర్లలో విడుదల కానుంది.
ఇటీవల వెరైటీ ఇండియాకి ఇచ్చిన ఇంటర్వ్యూలో ప్రియదర్శన్ తన కెరీర్లో ఒక ప్రత్యేక మైలురాయి గురించి మాట్లాడారు. దర్శకుడిగా తన 100వ సినిమాను తెరకెక్కించాలని ఆశిస్తున్నట్లు ఆయన తెలిపారు. ఈ ప్రతిష్టాత్మక ప్రాజెక్టును ప్రముఖ నటుడు మోహన్లాల్ తో చేయాలని భావిస్తున్నట్లు వెల్లడించారు. ప్రియదర్శన్ మొదటి సినిమాకి కూడా మోహన్లాల్ హీరోగా నటించిన విషయం తెలిసిందే. అదే నటుడు ఆయన తొలి చిత్రం, 100వ చిత్రంలో నటిస్తే అది ఎంతో ప్రత్యేకంగా నిలుస్తుందని ఆయన చెప్పారు.
ఇప్పటివరకు ప్రియదర్శన్–మోహన్లాల్ కాంబినేషన్లో అనేక విజయవంతమైన చిత్రాలు వచ్చాయి. తమ తదుపరి సినిమా సాధారణంగా తాను చేసే శైలికి భిన్నంగా ఒక మ్యూజికల్ ఫిల్మ్గా ఉండే అవకాశం ఉందని కూడా ప్రియదర్శన్ సూచించారు.
Also Read:‘పెద్ది’..క్రేజీ అప్డేట్
ఈ ఐకానిక్ జంట మళ్లీ కలిసి సినిమా చేస్తే అభిమానుల్లో భారీ ఆసక్తి నెలకొనే అవకాశం ఉంది. అయితే ఈ ప్రాజెక్ట్ ఎప్పుడు అధికారికంగా ప్రారంభమవుతుందో చూడాలి. ఇదిలా ఉండగా మోహన్లాల్ నటించిన దృశ్యం 3, ప్యాట్రియాట్ వచ్చే నెలలో విడుదలకు సిద్ధంగా ఉన్నాయి.