 400 మార్కును దాటడంతో){kind=link}
దేశ రాజధాని ఢిల్లీలో వాయు కాలుష్యం మరోసారి ప్రమాదకర స్థాయికి చేరింది. సోమవారం ఢిల్లీలోని పలు ప్రాంతాల్లో గాలి నాణ్యత సూచీ (AQI) 400 మార్కును దాటడంతో పరిస్థితి అత్యంత దారుణంగా మారింది. నగరాన్ని పూర్తిగా విషపూరిత పొగ మంచు (స్మాగ్) కమ్మేసి ప్రజలను తీవ్ర ఆందోళనకు గురి చేస్తోంది.
దట్టమైన పొగ మంచు కారణంగా దృశ్యమానత భారీగా తగ్గింది. దీంతో రహదారులపై ప్రయాణించే వాహనదారులు తీవ్ర ఇబ్బందులు ఎదుర్కొంటున్నారు. అనేక చోట్ల ప్రమాదాల ముప్పు పెరిగింది. అలాగే ఢిల్లీ విమానాశ్రయంలో విమాన రాకపోకలకు అంతరాయం ఏర్పడింది. కొన్ని విమానాలు ఆలస్యంగా చేరగా, మరికొన్నింటిని మళ్లించాల్సి వచ్చినట్లు సమాచారం.
వాయు కాలుష్యం తీవ్రంగా పెరగడంతో పిల్లలు, వృద్ధులు, శ్వాసకోశ వ్యాధులతో బాధపడేవారు ఎక్కువగా ప్రభావితమవుతున్నారు. కళ్ల మంటలు, గొంతు నొప్పి, శ్వాస తీసుకోవడంలో ఇబ్బందులు వంటి సమస్యలు పెరుగుతున్నాయని వైద్యులు హెచ్చరిస్తున్నారు. అత్యవసరమైతే తప్ప బయటకు రావద్దని ప్రజలకు సూచిస్తున్నారు.
కాలుష్యానికి వాహనాల పొగ, నిర్మాణ పనులు, పంట అవశేషాల దహనం ప్రధాన కారణాలుగా నిపుణులు చెబుతున్నారు. పరిస్థితిని నియంత్రించేందుకు ప్రభుత్వం గ్రేడ్ రెస్పాన్స్ యాక్షన్ ప్లాన్ (GRAP) కింద కఠిన చర్యలు చేపట్టే అవకాశం ఉంది. ఢిల్లీలో వాయు కాలుష్యం మళ్లీ జాతీయ స్థాయిలో చర్చనీయాంశంగా మారింది.
Also Read:KTR:ఫిరాయింపు ఎమ్మెల్యేలకు డోర్స్ క్లోజ్