సంజయ్ లీలా భన్సాలీ దర్శకత్వంలో బాలీవుడ్ బ్యూటీ దీపిక పదుకొనే లీడ్‌ రోల్‌లో తెరకెక్కుతున్న సినిమా పద్మావతి. మేవాడ రాణి పద్మావతి జీవిత కథ ఆధారంగా ఈ సినిమా తెరకెక్కుతోంది.తాజాగా సినిమా ఫస్ట్ లుక్‌ని విడుదల చేసింది చిత్రయూనిట్.
రాజసం ఉట్టిపడేలా మేవాడ రాణిగా దీపికా ఫస్ట్ లుక్‌తో అదరగొట్టింది.ఒంటి నిండా నగలు ధరించి గులాబీ రంగు వస్త్రాలతో అచ్చం పద్మావతి అవతారంలో ఒదిగిపోయింది. ఈ సినిమాలో అల్లావుద్దీన్‌ ఖిల్జీగా రణ్‌వీర్‌ సింగ్‌ నటిస్తుండగా.. పద్మావతి భర్త రాజా రతన్‌సింగ్‌గా షాహిద్‌ కపూర్‌ నటిస్తున్నారు. భారీ అంచనాలతో తెరకెక్కిన ఈ మూవీ డిసెంబర్‌ 1న విడుదల కానుంది.
ఈ చిత్రం అనౌన్స్ చేసినప్పటినుండి అనేక వివాదాలు చుట్టిముట్టినప్పటికీ ఎట్టకేలకు షూటింగ్‌ని ఫినిష్ చేశాడు దర్శకనిర్మాత సంజయ్ లీలాభన్సాలీ. రాజ్‌పుత్‌ వంశానికి చెందిన పద్మావతిని తప్పుగా చిత్రీకరిస్తున్నారంటూ కొన్ని గ్రూపులు షూటింగ్‌ జరుగుతున్నప్పుడు సినిమా యూనిట్‌పై దాడి చేశాయి. ఎన్ని వివాదాలు ఎదురైనా వెనుకకు తగ్గని బన్సాలీ తాను అనుకున్న రీతిలో సినిమాను తెరకెక్కించారు.
#Padmavati @FilmPadmavati pic.twitter.com/YvCNC5WUCc
— Aditi Rao Hydari (@aditiraohydari) September 21, 2017
