’16` (సిక్స్‌టీన్‌) లాంటి క్రైమ్ థ్రిల్ల‌ర్‌లో న‌టించాడు రెహమాన్. ఇటీవ‌లే రిలీజైన ఈ అనువాద చిత్రం తెలుగు రాష్ట్రాల్లో బ్లాక్‌బ‌స్ట‌ర్ హిట్ అయ్యింది. కోలీవుడ్‌(డి-16)ని మించి టాలీవుడ్‌లో విమ‌ర్శ‌కుల ప్ర‌శంస‌లు అందుకుంది. ఆ సినిమాతో తెలుగు ఆడియెన్‌లో రెహమాన్ ఐడెంటిటీ పెరిగిందంటే అతిశ‌యోక్తి కాదు. ఓ సిన్సియ‌ర్ పోలీసాఫీస‌ర్‌గా రెహమాన్ న‌ట‌న తెలుగు ప్రేక్ష‌కుల్ని ఆక‌ట్టుకుంది. అందుకే ఇప్పుడు అతడు న‌టించిన మ‌రో కొత్త సినిమా రిలీజ్‌కి వ‌స్తోంది అంటే అంద‌రిలో ఒక‌టే క్యూరియాసిటీ.
తాజాగా రెహమాన్ న‌టించిన రీసెంట్ త‌మిళ బ్లాక్‌బ‌స్ట‌ర్ `డా.స‌త్య‌మూర్తి` పేరుతో రిలీజ‌వుతోంది. య‌శ్వంత్ మూవీస్ ప‌తాకంపై డి. వెంక‌టేష్ నిర్మిస్తున్నారు. ఈ చిత్రానికి ఆర్‌.సెంథిల్ నాద‌న్ క‌థ, క‌థ‌నం అందించ‌డ‌మే కాకుండా ద‌ర్శ‌క‌త్వం వ‌హించారు. ప్ర‌స్తుతం నిర్మాణానంత‌ర కార్య‌క్ర‌మాలు జ‌రుగుతున్నాయి. త్వ‌ర‌లోనే అన్ని ప‌నులు పూర్తి చేసి రిలీజ్ చేస్తామ‌ని నిర్మాత తెలిపారు. సురేష్‌, అతిధి గురురాజ్ త‌దిత‌రులు న‌టించిన ఈ చిత్రానికి కెమెరా: శ‌ర‌వ‌న‌పాండియ‌న్‌, సంగీతం: ప్రేమ్‌కుమార్‌, ఎడిటింగ్‌: ఎస్‌.పి.అహ్మ‌ద్‌, క‌ళ: వినోద్ ర‌వీంద్ర‌న్‌, యాక్షన్: బిల్లా జ‌గ‌న్‌.
