క్రేజీ మూవీస్ నుంచి క్రేజీ అప్ డేట్స్ వచ్చాయి. అల్లు అర్జున్ హీరోగా సుకుమార్ ద‌ర్శ‌క‌త్వంలో తెర‌కెక్కుతున్న సినిమా పుష్ప 2. ఈ సినిమాకు సంబంధించిన త‌ర్వాతి షెడ్యూల్‌ ను చాలా పెద్ద‌గా ప్లాన్ చేస్తుంద‌ట చిత్ర యూనిట్. త‌ర్వాతి షెడ్యూల్‌లో ఓ పాట, ఫైట్‌తో పాటు ఇంపార్టెంట్ సీన్స్‌ కూడా తెర‌కెక్కించ‌నున్నార‌ట. పుష్ప సినిమాకు నేష‌న‌ల్ అవార్డులు రావ‌డంతో ఆడియ‌న్స్‌కు పుష్ప2పై అంచ‌నాలు మ‌రింత పెరిగాయి.
అలాగే మరో క్రేజీ అప్ డేట్ విషయానికి వస్తే.. నాగార్జున హీరోగా విజయ్ బిన్నీ ద‌ర్శ‌క‌త్వంలో తెర‌కెక్కుతున్న సినిమా నా సామిరంగ. సంక్రాంతిని టార్గెట్‌గా పెట్టుకుని షూటింగ్‌ను ఫాస్ట్‌గా పూర్తి చేసే ప‌నిలో చిత్ర యూనిట్ ఉంది. ఈ సినిమా షూటింగ్ ప్ర‌స్తుతం అజీజ్ న‌గ‌ర్‌లో జ‌రుగుతుండ‌గా, ఈ షెడ్యూల్‌లో రాజ్ త‌రుణ్, అల్ల‌రి న‌రేష్‌పై కీల‌క స‌న్నివేశాల‌ను తెర‌కెక్కిస్తున్న‌ట్లు స‌మాచారం.
అలాగే, మూడో అప్ డేట్ విషయానికి వస్తే.. డీజే టిల్లూతో ఓవ‌ర్‌ నైట్ స్టార్ అయిన సిద్దూ జొన్న‌ల‌గ‌డ్డ ప్ర‌స్తుతం టిల్లూ స్క్వేర్ సినిమా చేస్తున్న సంగ‌తి తెలిసిందే. ఈ సినిమా ఇప్ప‌టికే రిలీజ్ కావాల్సింది. కానీ, కొన్ని కార‌ణాల వ‌ల్ల వాయిదా ప‌డుతూ వ‌స్తోంది. ఇదిలా ఉంటే టిల్లూ స్క్వేర్ మూవీ ఇప్పుడు కొత్త రిలీజ్ డేట్‌ను ఫిక్స్ చేసుకుంది. అనుప‌మ ప‌ర‌మేశ్వ‌ర‌న్ హీరోయిన్‌ గా న‌టిస్తోన్న ఈ సినిమా ఫిబ్ర‌వ‌రి 9న ప్రేక్ష‌కుల ముందుకు రానుంది.
Also Read:29న చంద్రగ్రహణం..శ్రీవారి దర్శనానికి బ్రేక్
