విజ్ఞత ఫిలిమ్స్ పతాకంపై నూతలపాటి మధు నిర్మిస్తోన్న చిత్రం “క్రేజీ క్రేజీ ఫీలింగ్”. సంజయ్ కార్తీక్ దర్శకుడు. విష్వంత్, పల్లక్ లల్వాని జంటగా నటించారు. ఇప్పటికే రిలీజ్ చేసిన లిరికల్ వీడియోకు అద్భుతమైన స్పందన లభించింది. యూత్‌లో మంచి క్రేజ్ సంపాదించుకున్న ఈ చిత్ర టీజర్ విడుదలైంది. ఈ టీజర్‌కు హ్యూజ్ రెస్పాన్స్ వస్తోంది. యూత్ ఫుల్ ఎంటర్ టైనర్‌గా తెరకెక్కించిన ఈ చిత్రం షూటింగ్ పూర్తి చేసుకుంది. ప్రస్తుతం నిర్మాణాంతర కార్యక్రమాలు జరుపుకుంటోంది. త్వరలోనే గ్రాండ్‌గా రిలీజ్ చేసేందుకు సన్నాహాలు చేస్తున్నారు.
ఈ సందర్భంగా దర్శకుడు సంజయ్ మాట్లాడుతూ .. కేరింత, మనమంతా చిత్రాలతో ప్రేక్షకులను ఆకట్టుకున్న విష్వంత్ హీరోగా, పల్లక్ లల్వాని హీరోయిన్‌గా క్రేజీ క్రేజీ ఫీలింగ్ చిత్రం తెరకెక్కుతోంది . ప్రేమికుల మధ్య వుండే ఫీలింగ్స్‌ని వినోదాత్మకంగా చూపిస్తున్నాం . వెన్నెల కిశోర్ ఇప్పటివరకు చేసిన పాత్రల కంటే లెంగ్తీ క్యారెక్టర్‌లో కడుపుబ్బ నవ్విస్తాడు. ఈ సినిమాకు ఆయన మెయిన్ పిల్లర్‌గా నిలిచారు. నిర్మాతలు ఖర్చుకు వెనకాడకుండా క్వాలిటీ సినిమా నిర్మించారు. అన్ని వర్గాల ప్రేక్షకుల్ని, ముఖ్యంగా యూత్‌ని ఎట్రాక్ట్ చేసే అంశాలతో ఈ చిత్రాన్ని రూపొందించాం. టీజర్‌కు వస్తున్న స్పందనతో మాలో కాన్ఫిడెన్స్ పెరిగింది. అని అన్నారు.
నిర్మాత మధు మాట్లాడుతూ .. ప్రేమ, ఫీల్, వినోదం ఈ మూడు అంశాలకు ప్రాధాన్యతనిస్తూ దర్శకుడు సంజయ్ యూత్ ఫుల్ ఫామిలీ ఎంటర్టైనర్‌గా క్రేజీ క్రేజీ ఫీలింగ్‌ని రూపొందిస్తున్నారు. టీజర్‌కు చాలా మంచి స్పందన వస్తోంది. వెన్నెల కిషోర్ కామెడీ హిలేరియస్‌గా ఉంటుంది. కథ బాగా నచ్చడంతో ఆయన చాలా సపోర్ట్ చేశారు. భీమ్స్ మంచి పాటలందించారు. ప్రస్తుతం నిర్మాణాంతర కార్యక్రమాలు జరుగుతున్నాయి. త్వరలోనే భారీ ప్రీ రిలీజ్ ఫంక్షన్‌ను చేయబోతున్నాం. అన్ని కార్యక్రమాలు పూర్తి చేసి త్వరలోనే గ్రాండ్‌గా రిలీజ్ చేసేందుకు నస్నాహాలు చేస్తున్నాం. అని అన్నారు.
నటీనటులు:విష్వంత్ , పల్లక్ లల్వాని ,వెన్నెల కిశోర్ , ఫిదా ఫేమ్ శరణ్య , సుమన్ , పోసాని తదితరులు.. సాంకేతిక వర్గం:బ్యానర్ – విజ్ఞత ఫిలిమ్స్ పతాకం,సంగీతం – భీమ్స్ సిసిరోలియో,సాహిత్యం – సురేష్ ఉపాధ్యాయ,కాసర్ల శ్యామ్,కెమెరా – సుభాష్ దొంతి,ఆర్ట్ – నాగు,కొరియోగ్రఫీ – రాజకిరణ్ , చార్లీ,పిఆర్వో – ఏలూరు శ్రీను,నిర్మాత – నూతలపాటి మధు,కథ, స్క్రీన్ ప్లే, డైరెక్షన్ – సంజయ్ కార్తీక్.
