నేడు సీపీఐ రాష్ట్ర కార్యవర్గ సమావేశం

నేడు సీపీఐ రాష్ట్రకార్యవర్గం నేడు హైదరాబాద్ లోని మగ్దూం భవన్‌లో భేటీకానుంది. హుజుర్ నగర్ ఉప ఎన్నికల్లో టీఆర్ఎస్ పార్టీకి మద్దతుపై చర్చించనున్నారు. దీంతో పాటు డిసెంబర్ 20,21,22,23 తేదీల్లో మంచిర్యాలలో జరగనున్న సిపిఐ నిర్మాణ మహాసభ ఏర్పాట్లను ఈ సమావేశంలో సమీక్షించనున్నారు. టీఆర్ఎస్ తో పొత్తు విషయంలో నేడు ప్రకటన చేయనున్నారు.

ఉద్యమ సమయంలో టీఆర్ఎస్,సీపీఐ కలిసి పోరాడాయని గుర్తుచేశారు. రాజ్యసభ ఎన్నికల్లోనూ సీపీఐ ఓట్లు కేశవరావుకే పడ్డాయని చెప్పారు సీపీఐ రాష్ట్ర కార్యదర్శి చాడ వెంకట్ రెడ్డి. ఈ కార్యక్రమానికి సిపిఐ జాతీయ కార్యవర్గ సభ్యుడు,సీనియర్ నాయకుడు అతుల్‌కుమార్ అంజాన్ హాజరుకానున్నారు. కాగా ముఖ్యమంత్రి కేసీఆర్‌ ఆదేశాల మేరకు రెండు రోజుల క్రితం ఎంపీ కేశవరావు, మాజీ ఎంపీ వినోద్ పలువురు నేతలు సీపీఐ నేతల్ని కలిశారు.