2026 టీ20 ప్రపంచకప్కు సిద్ధమవుతున్న నేపథ్యంలో జింబాబ్వే క్రికెట్ కీలక నిర్ణయం తీసుకుంది. మాజీ వెస్టిండీస్ దిగ్గజ బౌలర్ కోర్ట్నీ వాల్ష్ను బౌలింగ్ కన్సల్టెంట్గా నియమించినట్లు అధికారికంగా ప్రకటించింది. ఈ ప్రతిష్టాత్మక టోర్నీ ఫిబ్రవరి 7 నుంచి ప్రారంభం కానుండగా, భారత్ మరియు శ్రీలంక సంయుక్తంగా ఆతిథ్యం ఇవ్వనున్నాయి.
జింబాబ్వే క్రికెట్ విడుదల చేసిన ప్రకటన ప్రకారం, కోర్ట్నీ వాల్ష్ ఇప్పటికే తన బాధ్యతలను చేపట్టారు. తన ఆటకాలంలో అగ్రశ్రేణి ఫాస్ట్ బౌలర్గా పేరు గాంచిన వాల్ష్, ప్రపంచకప్కు ముందు జట్టు బౌలర్లను మానసికంగా, సాంకేతికంగా మరింత బలోపేతం చేయడంలో కీలక పాత్ర పోషించనున్నారని భావిస్తున్నారు.
ఈ సందర్భంగా వాల్ష్ మాట్లాడుతూ, “మేము సరిగా అమలు చేస్తే, జట్టుగా కలిసి పనిచేస్తే, పరిస్థితులకు తగినట్లు మారితే మంచి అవకాశాలు ఉన్నాయి. బౌలింగ్ దాడిలో ఉన్న సమన్వయం, జట్టులోని సామర్థ్యం నాకు బాగా నచ్చాయి” అని తెలిపారు.
రాబోయే ప్రపంచకప్లో జింబాబ్వే బలమైన బౌలింగ్ దాడితో బరిలోకి దిగనుంది. ఫాస్ట్ బౌలర్లుగా బ్లెస్సింగ్ ముజరబానీ, రిచర్డ్ నగరవా, టినోటెండా మపోసా ఉండగా, ఆల్రౌండర్లుగా బ్రాడ్ ఎవాన్స్, తషింగా ముసేకివా జట్టులో ఉన్నారు. స్పిన్ విభాగంలో వెల్లింగ్టన్ మసకద్జా, గ్రేమ్ క్రెమర్, సికందర్ రజా కీలకంగా వ్యవహరించనున్నారు.
Also Read:ఈడీ సోదాలు..కోట్ల రూపాయలు స్వాధీనం