టాలీవుడ్ టాప్ కమెడియన్ లలో ఆలీ కూడ ఒకరు. అలీ ఇండస్ట్రీలోకి వచ్చి ఇటివలే 40సంవత్సరాలు పూర్తి చేసుకున్నారు. అలీ గత కొద్ది రోజులుగా టీడీపీ లో కొనసాగుతున్నారు. గత ఎన్నికల్లో ఆ పార్టీ తరపున ప్రచారం కూడా చేశారు. ఈసారి మాత్రం ఆయన ఎలాగైనా ఎన్నికల్లో నిలబడాలనే పట్టుదలతో ఉన్నారు. అధిష్టానం కూడా అలీకి గ్రీన్ సిగ్నల్ ఇచ్చినట్టు తెలుస్తుంది. ఇందుకోసం గుంటూరు తూర్పు స్ధానం నుంచి అలీ పోటీ చేయనున్నట్లు తెలుస్తుంది. త్వరలోనే అలీ అభ్యర్ధిత్వాన్ని ఖరారు చేసే అవకాశం ఉంది.
చంద్రబాబు నుంచి స్పష్టమైన హామి తీసుకున్న ఆయన ఇటివలే గుంటూరులో ఓటరు కార్డుకు నమోదు చేసుకున్నారు. ఇదంతా చూస్తుంటే అలీకి టిడిపి నుంచే టికెట్ కన్ఫామ్ అయినట్టే అని తెలుస్తుంది. అలీ రాజమండ్రి నుంచి పోటి చేస్తారని ప్రచారం జరిగింది..ఎందుకంటే అలీ సొంతూరు రాజమండ్రి కావడం..కానీ అధిష్టానం మాత్రం గుంటూరు నుంచే బరిలోకి దింపాలని చూస్తుంది.
ఇక గుంటూరు తూర్పులో గత ఎన్నికల్లో అక్కడ నుంచి వైసిపి అభ్యర్ది విజయం సాధించారు. ఇక్కడ అలీ పోటి చేస్తే గెలిచే అవకాశాలు ఎక్కువగా ఉన్నాయని భావిస్తోంది టిడిపి అధిష్టానం. ఇక్కడ ముస్లీంల జనాభా కూడా ఎక్కువగా ఉండటం అలీకి కలిసి వస్తుందని చెప్పుకోవచ్చు.
