ఎమ్మెల్సీ అభ్య‌ర్థుల‌కు సీఎం కేసీఆర్ శుభాకాంక్ష‌లు..

తెలంగాణ భ‌వ‌న్‌లో ముఖ్య‌మంత్రి కేసీఆర్ అధ్య‌క్ష‌త‌న టీఆర్ఎస్ఎల్పీ స‌మావేశం ప్రారంభ‌మైంది. ఈ సమా‌వే‌శానికి మంత్రులు, ఎంపీలు, ఎమ్మెల్యేలు, ఎమ్మెల్సీలు హాజ‌ర‌య్యారు. ఈ భేటీ సంద‌ర్భంగా తెలంగాణ భ‌వ‌న్‌లో టీఆర్ఎస్ ఎమ్మెల్సీ అభ్య‌ర్థుల‌కు ముఖ్య‌మంత్రి కేసీఆర్ శుభాకాంక్ష‌లు తెలిపారు. ఈ సంద‌ర్భంగా సీఎం కేసీఆర్‌కు ఎమ్మెల్సీ అభ్య‌ర్థులు శాలువా క‌ప్పి పుష్పగుచ్ఛాలు అందించి ప్ర‌త్యేక కృత‌జ్ఞ‌త‌లు తెలిపారు. ఎమ్మెల్యే కోటా ఎమ్మెల్సీ అభ్య‌ర్థుల‌కు ప‌లువురు మంత్రులు, ఎమ్మెల్యేలు, ఎమ్మెల్సీలు కూడా శుభాకాంక్ష‌లు తెలియ‌జేశారు.

టీఆర్ఎస్ పార్టీ నుంచి పాడి కౌశిక్ రెడ్డి, త‌క్కెళ్ల‌ప‌ల్లి రవీందర్ రావు, మాజీ కలెక్టర్ వెంక‌ట్రామిరెడ్డి, గుత్తా సుఖేందర్ రెడ్డి, కడియం శ్రీహరి, బండ ప్రకాష్ మంగ‌ళ‌వారం అసెంబ్లీ సెక్ర‌ట‌రీకి నామినేష‌న్ల‌ను స‌మ‌ర్పించారు.