పూరి జ‌గ‌న్నాథుని స‌న్నిధిలో సీఎం కేసీఆర్

పూరిలోని ప్ర‌సిద్ధ పుణ్య‌క్షేత్రం జ‌గ‌న్నాథ‌స్వామి ఆల‌యాన్ని ద‌ర్శించుకున్నారు సీఎం కేసీఆర్ దంప‌తులు. ఒడిశా ప‌ర్య‌ట‌న‌లో భాగంగా కుటుంబ‌స‌మేతంగా ఆల‌యానికి చేరుకున్న కేసీఆర్ దంప‌తుల‌కు అధికారులు పూర్ణ‌కుంభంతో స్వాగ‌తం ప‌లికారు.

ఈ సందర్భంగా కేసీఆర్ ప్రత్యేక పూజలు చేసిన మొక్కులు చెల్లించారు. కేసీఆర్ ను ఆలయ అర్చకులు ఆశీర్వదించి తీర్థ ప్రసాదాలు అందజేశారు. త‌ర్వాత‌ కోణార్క్ ఆలయాన్ని కేసీఆర్ సందర్శించనున్నారు.

మ‌ధ్యాహ్నం భోజ‌నం త‌ర్వాత బెంగాల్‌కు వెళ్ల‌నున్నారు కేసీఆర్. ఆ రాష్ట్ర సీఎం మ‌మ‌తా బెన‌ర్జీతో భేటీ కానున్నారు. ప‌ర్య‌ట‌న‌లో భాగంగా ఢిల్లీ చేరుకుని బీఎస్పీ అధినేత్రి మ‌యావ‌తి,ఎస్పీ చీఫ్ అఖిలేష్‌తో స‌మావేశం కానున్నారు. సీఎం కేసీఆర్ వెంట రాజ్యసభ సభ్యులు సంతోష్ కుమార్,శేరి సుభాష్ రెడ్డి ఉన్నారు.