ఇస్రో శాస్త్రవేత్తలకు సీఎం కేసీఆర్ అభినందనలు..

భారత అంతరిక్ష పరిశోధన సంస్థ ఇస్రో మరో అరుదైన ఘనత సాధించింది. పట్టణాభివృద్ధి ప్రణాళిక,గ్రామీణ వనరులకు సంబంధించి సేవలు,మౌలిక వసతుల అభివృద్ధి,తీర ప్రాంతాల భద్రత తదితర అంశాల్లో సేవలందించే పోలార్ శాటిలైట్ వెహికల్ సీ 47ను విజయంతంగా ప్రయోగించింది.

ఈ నేపథ్యంలో ఇస్రో శాస్త్రవేత్తలకు అభినందనలు తెలిపారు సీఎం కేసీఆర్. ఇస్రో శాస్త్రవేత్తలు మరో అరుదైన ఘనత సాధించారని వారి సేవలను కొనియాడారు.

నెల్లూరు జిల్లా శ్రీహరికోట నుంచి కార్టోశాట్-3ని మోసుకుంటూ, పీఎస్ఎల్వీ సీ-47, నిప్పులు చిమ్ముతూ విజయవంతంగా నింగిలోకి దూసుకెళ్లింది. ఈ ఉదయం 9.28కి ప్రయోగం జరుగగా, నాలుగు దశలు విజయవంతం అయిందని శాస్త్రవేత్తలు తెలిపారు. దీని జీవితకాలం ఐదేళ్లు…బరువు 1,625 కిలోలని తెలిపారు.