తెలంగాణ ఉద్యమ ప్రజాగాయకుడు, రాష్ట్ర గిడ్డంగుల కార్పొరేషన్ ఛైర్మన్ వేద సాయిచంద్ అకాల మరణంతో కన్నీటిపర్యంతమైన సీఎం కేసీఆర్. ఆయన పార్థివ దేహానికి సీఎం కేసీఆర్ ఘన నివాళులు అర్పించారు. గుర్రంగూడలోని సాయించంద్ నివాసానికి చేరుకున్న సీఎం…భౌతికాయానికి పుష్పాంజలి ఘటించారు. సాయిచంద్‌ను చూడగానే సీఎం కన్నీటి పర్యంతమయ్యారు. అనంతరం వారి కుటుంబ సభ్యులను ఓదార్చారు. వారికి తన ప్రగాఢ సానుభూతి తెలిపారు.
ఈ సందర్భంగా… సార్ సాయిని పిలువండి. లెమనండి..మీరు పిలిస్తే లేచివస్తాడు..సార్.. అంటూ హృదయ విదారంగా రోదిస్తున్న సాయిచంద్ భార్య రజనీని ఓదార్చడం సీఎంకు కష్టంగా మారింది. దగ్గరకు వచ్చి రోధిస్తున్న సాయిచంద్ తండ్రిని సీఎం అక్కున చేర్చుకొని ఓదార్చారు. నేనున్నానంటూ భరోసా ఇచ్చారు.
ఈ సందర్భంగా మంత్రులు హరీష్ రావు, మహమూద్ అలీ, సబితా ఇంద్రారెడ్డి, ఎంపీ జోగినపల్లి సంతోష్ కుమార్, స్థానిక ఎమ్మెల్యే మంచిరెడ్డి కిషన్ రెడ్డి, ఎమ్మెల్సీలు గోరేటి వెంకన్న, పల్లా రాజేశ్వర్ రెడ్డి, మధుసూదనాచారి తదితర ప్రజాప్రతినిధులు పార్టీ నేతలు సీఎం కేసీఆర్ వెంట వచ్చి నివాళులర్పించారు.
Also Read: గుండెపోటుతో సింగర్ సాయిచంద్ మృతి..
