కరోనా వైరస్.. ఈనెల 31 వరకు స్కూళ్లు, థియేటర్లు బంద్

ప్రపంచవ్యాప్తంగా కరోనా వైరస్ బాధితులు పెరుగుతుండంతో పలు దేశాల్లో స్కూళ్లు, కాలేజీలు, థియేటర్లకు సెలవులు ప్రకటించారు. తెలంగాణలో కూడా కరోనా బాధితులు పెరుగుతుండటంతో సర్కార్ హైఅలర్ట్ ప్రకటించింది. అసెంబ్లీలోని కమిటి హాల్ లో సీఎం కేసీఆర్ అధ్యక్షతన ఉన్నతస్ధాయి సమావేశం నిర్వహించారు.

ఈ సమావేశంలో పలు కీలక నిర్ణయాలు తీసుకున్నట్లు తెలుస్తుంది. రాష్ట్ర వ్యాప్తంగా ఈనెల 31 వరకు విద్యాసంస్థలకు సెలవులు ప్రకటించింది ప్రభుత్వం. టెన్త్‌, ఇంటర్‌ పరీక్షలు మాత్రం యథాతథంగా నిర్వహించాలని నిర్ణయించింది. ఈ నెలాఖరు వరకు విద్యాసంస్థలు, థియేటర్లు, షాపింగ్‌ మాల్స్‌ మూసివేయనున్నారు.