యాదాద్రికి సీఎం కేసీఆర్…

సీఎం కేసీఆర్ ఇవాళ యాదాద్రి జిల్లాలో పర్యటించనున్నారు. ప్రముఖ పుణ్యక్షేత్రం యాదాద్రి లక్ష్మీనరసింహస్వామిని దర్శించుకోనున్నారు. సతీసమేతంగా ఆలయానికి చేరుకోనున్న సీఎం… ఆలయ విమాన గోపురానికి స్వర్ణ తాపడం కోసం బంగారాన్ని విరాళంగా ఇవ్వనున్నారు.

ఆలయంలోని వివిధ పనుల పురోగతిని పరిశీలించే అవకాశం ఉంది. దసరాకు జాతీయ పార్టీ ఏర్పాటు ప్రకటనపై సమాలోచనల నేపథ్యంలో సీఎం కేసీఆర్ యాదగిరిగుట్ట పర్యటనకు ప్రాధాన్యం ఏర్పడింది.

ఇక అక్టోబరు 1న హనుమకొండ జిల్లాలో ముఖ్యమంత్రి కేసీఆర్ పర్యటించనున్నారు. ములుగు రోడ్డులోని ప్రతిమ రిలీఫ్‌ ఇన్‌స్టిట్యూట్‌ ఆఫ్‌ మెడికల్‌ సైన్సెస్‌ను సీఎం ప్రారంభించనున్నారు.