మునుగోడుకు సీఎం కేసీఆర్!

మునుగోడు ఉప ఎన్నికల ప్రచారం జోరందుకుంది. ఎన్నికల ప్రచారంలో టీఆర్ఎస్ అభ్యర్థి కూసుకుంట్ల ప్రభాకర్ రెడ్డి దూసుకుపోతుండగా బీజేపీ అభ్యర్థి రాజగోపాల్ రెడ్డి వెనుకబడ్డారు. ప్రచారంలో ప్రజల నుండి రాజగోపాల్ రెడ్డికి తీవ్ర వ్యతిరేకత వస్తోంది.

ఇక ప్రచారంలో మంత్రి కేటీఆర్ ఇప్పటికే పాల్గొనగా మంత్రులు హరీశ్‌ రావు, తలసాని,మల్లారెడ్డితో పాటు కీలక నేతలు విస్తృత ప్రచారం చేస్తున్నారు. తాజాగా అందుతున్న సమాచారం ప్రకారం సీఎం కేసీఆర్ సైతం మనుగోడులో ప్రచారం చేయనున్నారు. మూడు రోజుల పాటు 28,29,30 మూడు రోజులు మనుగోడులో బస్సుయాత్ర, రోడ్‌ షోలకు ప్లాన్ చేసినట్లు సమాచారం.

ఈ నెల 30న చండూరులో భారీ బహిరంగ సభకు టీఆర్ఎస్ నేతలు ఏర్పాట్లు చేస్తున్నారు. ఈ నెల 25 నుంచి టీఆర్ఎస్ కీలక నేతలు మునుగోడులోనే మకాం వేయనున్నారు. రోడ్ షో లు, ర్యాలీలతో హోరెత్తించనున్నారు.