మణెమ్మ మృతిపట్ల కేసీఆర్ సంతాపం..

మాజీ ముఖ్యమంత్రి టి. అంజయ్య సతీమణి మణెమ్మ కొంతకాలంగా అనారోగ్యంతో బాధపడుతోంది. ఈ క్రమంలోనే ఆమె ఆదివారం తుదిశ్వాస విడిచారు. అయితే తాజాగా సీఎం కేసీఆర్‌ మణెమ్మ మృతిపట్ల మృతి పట్ల సంతాపం తెలిపారు. కాగా కుటుంబసభ్యులకు సీఎం ప్రగాఢ సానుభూతి తెలిపారు.

ఆమె ఆత్మకు శాంతి కలగాలని ముఖ్యమంత్రి కేసీఆర్ భగవంతుణ్ని ప్రార్థించారు. మణెమ్మ మృతిపట్ల ఆర్థికశాఖ మంత్రి ఈటెల రాజేందర్ కూడా సంతాపం ప్రకటించారు.

కాగా.. మణెమ్మ సికింద్రాబాద్ పార్లమెంట్ నియోజకవర్గం నుంచి రెండుసార్లు ఎంపీగా ఎన్నికయ్యారు. 2008లో ముషీరాబాద్ అసెంబ్లీ నియోజకవర్గానికి జరిగిన ఉప ఎన్నికల్లో గెలుపొందారు. 1942, ఏప్రిల్ 29న ఆమె హైదరాబాద్ లో జన్మించారు. చాదర్ ఘాట్ లోని మార్వాడి హిందీ విద్యాలయలో మెట్రిక్యులేషన్ పూర్తిచేశారు.1960లో టంగుటూరి అంజయ్యను ఆమె పెళ్లాడారు.