ఆకాశవాణి మాజీ న్యూస్ రీడర్ మృతిపట్ల సీఎం కేసీఆర్ సంతాపం

ఆకాశవాణి మాజీ న్యూస్ రీడర్ మాడపాటి సత్యవతి మృతి చెందారు. గత కొంత కాలంగా అనారోగ్యంతో బాధపడుతున్న సత్యవతి ఈరోజు ఉదయం తుదిశ్వాస విడిచారు. మాడపాటి సత్యవతి మృతిపట్ల ముఖ్యమంత్రి కేసీఆర్ తీవ్ర సంతాపం వ్యక్తం చేశారు.

సుమారు నాలుగు దశాబ్దాల పాటు మాడపాటి సత్వవతి తన సుస్వరంతో రేడియో వార్తలు చదువుతూ తన హితులు, సన్నిహితులకే కాకుండా లక్షలాది శ్రోతల హృదయాల్లో సుస్ధిర స్ధానం సంపాదించుకున్నారు. ఈనేపథ్యంలో ఆమె సేవలను సీఎం కేసీఆర్ గుర్తు చేసుకున్నారు. సత్యవతి ఆత్మకు శాంతికలగాలని భగవంతుడిని ప్రార్ధించారు.