ఫెమినా మిస్ ఇండియాగా సినిశెట్టి..

ఫెమినా మిస్ ఇండియా 2022గా సినిశెట్టి నిలిచింది. ముంబైలో జరిగిన వీఎల్‌సీసీ ఫెమినా మిస్ ఇండియా గ్రాండ్ ఫినాలేలో కర్ణాటకకు చెందిన సినిశెట్టిని ఫెమినా టైటిల్ విజేతగా ప్రకటించారు. రాజస్థాన్‌కు చెందిన రూబల్ షెకావత్ ఫెమినా మిస్ ఇండియా 2022 ఫస్ట్ రన్నరప్‌గా, ఉత్తరప్రదేశ్‌కు చెందిన షినతా చౌహాన్ ఫెమినా మిస్ ఇండియా 2022 సెకండ్ రన్నరప్‌గా నిలిచారు.

జ్యూరీ ప్యానెల్‌లో సినీనటులు నేహా ధూపియా, డినో మోరియా, మలైకా అరోరా, డిజైనర్లు రోహిత్ గాంధీ, రాహుల్ ఖన్నా, కొరియోగ్రాఫర్ షియామాక్ దావర్, మాజీ క్రికెటర్ మిథాలీ రాజ్ లు ఉన్నారు. ఫెమినా మిస్ ఇండియా ప్రయాణంతో అమూల్యమైన అనుభవాల జ్ఞాపకాలను పొందానని ఫెమినా మిస్ ఇండియా మాజీ యూనివర్స్ నేహా ధూపియా చెప్పారు.