ప్రీమ్‌ హీరో సాయి తేజ్‌ హీరోగా మైత్రీ మూవీ మేకర్స్‌ బ్యానర్‌పై కిషోర్ తిరుమల దర్శకత్వంలో తెరకెక్కిన చిత్రం ‘చిత్రలహరి’. సాయిధరమ్ సరసన నివేదా పేతురాజ్‌, కల్యాణి ప్రియదర్శన్‌ హీరోయిన్స్‌గా నటిస్తుండగా ఏప్రిల్‌ 12న ప్రేక్షకుల ముందుకురానుంది. ఇటీవలె చిత్రలహరి ప్రీ రిలీజ్ వేడుక ఘనంగా నిర్వహించగా సెన్సార్ కార్యక్రమాలను సైతం పూర్తిచేసుకుని క్లీన్ యు సర్టిఫికెట్ పొందింది.
వరుస పరాజాయాల తర్వాత సాయిధరమ్ ఈ సినిమాపై భారీ ఆశలు పెట్టుకోగా ఈ సినిమా ప్రీ రిలీజ్ అందరిని ఆశ్చర్యపరిచింది. దాదాపుగా రూ.13 కోట్ల రూపాయల ప్రీ రిలీజ్ చేసి అందరికి షాక్ ఇచ్చింది.
టీజర్, ట్రైలర్ ఆకట్టుకునే విధంగా ఉండటంతో ప్రీ రిలీజ్ బిజినెస్ జరగడానికి కారణం అని విశ్లేషకులు అంచనా వేస్తున్నారు. ప్రేమకథా చిత్రాల దర్శకుడిగా తనకంటూ ఓ గుర్తింపు తెచ్చుకున్న కిషోర్ తిరుమల ఈ సారి కూడా ఓ అందమైన ప్రేమకథనే నమ్ముకుని ముందుకు వస్తుండటంతో ఆ ప్రయత్నం ఎంతవరకు సత్ఫలితాన్నిస్తుందో వేచిచూడాలి.
