జనసేనలోకి చిరు…పవన్ ఆసక్తికర వ్యాఖ్యలు!

జనసేన అధినేత,పవర్ స్టార్ పవన్ కల్యాణ్ ఆసక్తికర వ్యాఖ్యలు చేశారు. మంగళగిరి జనసేన కార్యాలయంలో కాపు సంక్షేమ సమావేశంలో పాల్గొన్న పవన్‌… చిరంజీవి నైతిక మద్దతు ఎపుడూ నాకు ఉంటుందని, తమ్ముడిగా నా విజయాన్ని కోరుకునే వ్యక్తి అని అన్నారు. చిరంజీవి అందరి మంచి కోరుకుంటారన్న ఆయన పార్టీలోకి వస్తారా అనేది ఇపుడే ఏం చెప్పలేను న్నారు. ప్రజారాజ్యం పార్టీ వ్యవస్థాపకుల్లో నేను ఒకరినని గుర్తు చేశారు పవన్.

జనసేన ఒక కులానికి, మతానికి, ప్రాంతానికి పరిమితం కాదన్న ఆయన నాకు మానవత్వం ఉందే తప్ప నా కులానికి ఏదో చేసేయలని లేదని అన్నారు. కాపుల గురించి జరిగే అన్యాయంపై స్పందిస్తాననన్న ఆయన కాపులకు జరిగే సమస్యలు పరిష్కారానికి జనసేన అండగా ఉంటుందని అన్నారు. కాపులు బలపడటం అంటే బీసీలు బలహీన పడటం కాదని ఆయన అన్నారు.