ఖైదీతో వందకోట్లు వసూల్ చేసిన చిరు తన 151వ సినిమాతో కూడా తన సత్తా చాటేందుకు సిద్దమవుతున్నాడు. స్వాతంత్ర్య సమరయోధుడు ఉయ్యాలవాడ నరసింహా రెడ్డి జీవిత చరిత్ర ఆధారంగా తెరకెక్కుతున్న ఈ సినిమాకు సురేందర్‌ రెడ్డి దర్శకత్వం వహిస్తుండగా కొణిదెల ప్రొడక్షన్స్ బ్యానర్‌పై రాంచరణ్‌ నిర్మిస్తున్నాడు.
ఈ సినిమా తర్వాత చిరు…మాటల మాంత్రికుడు త్రివిక్రమ్ దర్శకత్వంలో సినిమా చేయనున్నాడు. ఈ చిత్రంలో పవన్ క‌ల్యాణ్ అతిథి పాత్ర చేయ‌బోతున్నార‌ని ఫిల్మ్ న‌గ‌ర్‌లో ఓ వార్త చ‌క్క‌ర్లు కొడుతోంది. సినిమాలో ఓ కీల‌క పాత్ర కోసం త్రివిక్రమ్, పవన్ క‌ల్యాణ్‌ను అడిగిన‌ట్లు తెలుస్తోంది. దీని కోసం త్రివిక్రమ్ రంగం సిద్ధం చేస్తున్నార‌ని టాలీవుడ్ వర్గాల టాక్.
గ‌తంలో శంక‌ర్ దాదా జిందాబాద్ చిత్రంలో పవన్ అతిథి పాత్ర పోషించారు. అయితే ఈ సినిమాలో అరగంట సేపు పవన్ కనిపించనున్నాడట. వైజయంతి బ్యానర్‌పై ఈ సినిమా తెరకెక్కనుంది. ప్రస్తుతం పవన్‌కల్యాణ్‌- త్రివిక్రమ్ కాంబినేషన్‌లో ఓ చిత్రం సిద్ధమవుతోంది. ఈ సినిమాకి ‘అజ్ఞాతవాసి’ అనే టైటిల్‌ను ఖరారు చేసే అవకాశం ఉంది.
