స్వాతంత్య్ర సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా తెరకెక్కుతున్న చిత్రం సైరా. కొణిదెల ప్రొడక్షన్స్‌ బ్యానర్‌పై రాంచరణ్ నిర్మాతగా మెగాస్టార్‌ చిరంజీవి హీరోగా తెరకెక్కుతున్న ఈ చిత్రాన్ని సురేందర్ రెడ్డి తెరకెక్కిస్తున్నారు. శరవేగంగా షూటింగ్ జరుపుకుంటున్న ఈ చిత్రాన్ని ఈ ఏడాదే విడుదల చేసేందుకు ప్లాన్ చేస్తున్నారు.
ఇక సినిమా ప్రమోషన్‌లో భాగంగా చిరంజీవి బర్త్ డే సందర్భంగా ఆగస్టు 22న ట్రైలర్ రిలీజ్ చేసేందుకు ప్లాన్ చేస్తున్నారు. ఇప్పటికే రిలీజ్ అయిన టీజర్‌కు మంచి రెస్పాన్స్‌ వచ్చింది. చిరంజీవి సరసన నయనతార హీరోయిన్‌గా నటిస్తున్న ఈ సినిమాలో అమితాబ్‌ బచ్చన్, తమన్నా, సుధీప్‌, జగపతిబాబు, విజయ్‌ సేతుపతిలు కీలక పాత్రల్లో నటిస్తున్నారు.
సినిమా షూటింగ్ దాదాపు పూర్తి కావొస్తున్న నేపథ్యంలో అక్టోబర్ 2న సినిమా విడుదలవుతుందని సమాచారం. త్వరలో చిరంజీవి డబ్బింగ్ చెప్పనుండగా ఈ చిత్రానికి అమిత్ త్రివేదీ సంగీతాన్ని అందించనున్నారు.
