సీఎం కేసీఆర్‌ను కలిసిన చిరు, నాగ్

ప్రగతి భవన్ లో సీఎం కేసీఆర్‌ను టాలీవుడ్‌ సినీ హీరోలు చిరంజీవి ,నాగార్జున కలవడం జరిగింది. వారితో పాటు షేరి సుభాష్ రెడ్డి,జోగినిపల్లి సంతోష్ అన్న ఉన్నారు. ఇటీవల కురిసిన భారీ వర్షాలు, వరదల వల్ల దెబ్బతిన్న హైదరాబాద్ నగరంలో ప్రభుత్వం చేపట్టిన సహాయ, పునరావాస కార్యక్రమాలకు తమ వంతు సాయంగా పలువురు ప్రముఖులు శనివారం ప్రగతి భవన్ లో ముఖ్యమంత్రి కేసీఆర్ ను కలిసి చెక్కులు అందించారు. మై హోమ్స్ గ్రూపు పక్షాన ఆ సంస్థ డైరెక్టర్ రామ్ రూ.5 కోట్ల చెక్కు అందించారు. అలాగే సినీ నటుడు చిరంజీవి కోటి రూపాయలు, సినీ నటుడు నాగార్జున రూ.50 లక్షల చెక్కును అందించారు. ముఖ్యమంత్రి కేసీఆర్ వారికి ధన్యవాదాలు తెలిపారు.