తిరుమల శ్రీవారిని దర్శించుకున్నారు మెగాస్టార్ చిరంజీవి. తన 69వ బర్త్ డే సందర్భంగా కుటుంబ సభ్యులతో కలిసి శ్రీవారిని దర్శించుకున్నారు. ఈ సందర్భంగా చిరంజీవి దంపతులకు టీటీడీ అధికారులు స్వాగతం పలికారు. స్వామివారి దర్శనానంతరం రంగనాయకుల మండపంలో పండితులు వేదాశీర్వచనం పలికి, తీర్థప్రసాదాలను అందజేశారు.
ప్రస్తుతం చిరంజీవి విశ్వంభర సినిమా షూటింగ్‌లో ఉన్నారు. వశిష్ట దర్శకత్వంలో ఈ సినిమా తెరకెక్కుతుండగా చిరు కెరీర్‌లో ఇది 156వ చిత్రం. యూవీ క్రియేషన్స్ బ్యానర్ కింద నిర్మాతలు వీ వంశీ కృష్ణారెడ్డి, ప్రమోద్ ఉప్పలపాటి, విక్రమ్ రెడ్డి ఈ సినిమాను నిర్మిస్తోన్నారు.
మరోవైపు తిరుమలకు భక్తుల తాడికి కొనసాగుతోంది. మంగళవారం 73,082 మంది భక్తులు స్వామివారిని దర్శించుకున్నారు. హుండీ ద్వారా 4.46 కోట్ల రూపాయల ఆదాయం టీటీడీకి అందింది.
Also Read: Chiranjeevi: హ్యాపీ బర్త్ డే…చిరంజీవి
