భోళా శంకర్‌..రిలీజ్ డేట్ ఫిక్స్‌!

మెహార్ రమేశ్ దర్శకత్వంలో మెగాస్టార్ చిరంజీవి హీరోగా తెరకెక్కుతున్న చిత్రం భోళా శంకర్. శరవేగంగా షూటింగ్ జరుగుతుండగా తమిళ సూపర్ హిట్ మూవీ ‘వేదాళం’కు రీమేక్‌గా తెరకెక్కుతోంది. తెలుగు నేటివిటీకి తగ్గట్టుగా కథలో మార్పులు చేయగా రామబ్రహ్మం సుంకర నిర్మిస్తున్నారు.

ఇక ఈ సినిమాలో చిరు సరసన తమన్నా హీరోయిన్‌గా నటిస్తుండగా మహానటి కీర్తి సురేశ్ చిరు చెల్లెలి పాత్రలో నటిస్తున్నారు. తాజాగా టీ టౌన్ నుండి అందుతున్న సమాచారం ప్రకారం భోళా శంకర్ ని వచ్చే ఏడాది ఉగాదికి రిలీజ్ చేసేలా మేకర్స్ ప్లాన్ చేస్తున్నారట. త్వరలో దీనిపై అధికారిక ప్రకటన రానున్నట్లు తెలుస్తోంది.

ప్రస్తుతం చిరు నటించిన గాడ్‌ ఫాదర్ ఈ ఏడాది విడుదల కానుండగా బాబీ దర్శకత్వంలో తెరకెక్కుతున్న సినిమా సంక్రాంతికి ప్రేక్షకుల ముందుకురానుంది.