ప్రముఖ నిర్మాత, ఎంపీ టి. సుబ్బరామిరెడ్డి మనవడు కేశవ్‌, వీణల వివాహ వేడుక అంగరంగ వైభవంగా జరిగిన విషయం తెలిసిందే.. ఈ వివాహా వేడుకకు దేశవ్యాప్తంగా ప్రముఖులు,,సౌత్, నార్త్ ఇండస్ట్రీ నుంచి టాప్ స్టార్స్ పాల్గొని నూతన వధువరులను ఆశీర్వదించారు. కేంద్ర మంత్రులు వెంకయ్య నాయుడు, మాజీ మంత్రులు చిదంబరం, జైపాల్ రెడ్డి, వ్యాపారవేత్త ముఖేష్ అంబాని, బాలీవుడ్ బిగ్‌ బి అమితాబ్‌, సూపర్ స్టార్ రజినీకాంత్, మెగాస్టార్ చిరంజీవి, పవర్ స్టార్ పవన్ కళ్యాణ్, బాలక్రిష్ణ, నాగార్జున, వెంకటేష్, బన్నీ, రామ్ చరణ్, బాలీవుడ్ హీరో రన్‌వీర్ సింగ్, కొందిమంది హీరోయిన్లు వేడుకకు హాజరైయ్యారు. అయితే ఈ పెళ్లి వేడుకలో ఓ అద్బుతమైన సన్నివేశం ప్రేక్షకులను కనువిందు చేసింది.
పెళ్లి ఘట్టం ముగిసిన తర్వాత సంగీత్ కార్యక్రమం ఏర్పాటు చేశారు. ఈ సంగీత్ వేడుకలో కుటుంబ సభ్యులతో పాటు సెలబ్రెటీలు కూడా చిందేశారు. ముఖ్యంగా మెగాస్టార్ చిరంజీవి తనదైన మూవ్ మెంట్స్ తో ఆకట్టుకున్నారు. అంతేకాదు చిరుతో కలిసి బాలీవుడ్ రణ్‌వీర్‌ సింగ్ కూడా హుషారుగా స్టెప్పులేశారు. వీరిద్దరు సుబ్బరామిరెడ్డితో కలిసి చిందులేస్తున్న వీడియోలు ఇంటర్నెట్‌లో చక్కర్లు కొడుతున్నాయి. ఇదే సంగీత్‌లో అక్షయ్‌, రణ్‌వీర్‌లు పాటలు కూడా పాడారు. సంగీత్ వేదికపై వీరంతా సందడి చేసిన వీడియోలు ఇప్పుడు హాట్ టాపిక్‌ గా మారారి. మరో బాలీవుడ్ హీరో అనిల్ కపూర్ కూడా జోరుగా స్టెప్పులేశాడు.
