వరుణ్ తేజ్ హీరోగా సంకల్ప్ రెడ్డి దర్శకత్వంలో రూపొందుతున్న చిత్రం ‘అంతరిక్షం’. లావణ్య త్రిపాఠి .. అదితీరావు కథానాయికలుగా నటిస్తున్న ఈ సినిమాలో వరుణ్ తేజ్ వ్యోమగామిగా కనిపించనున్నాడు. ఘాజీ వంటి విభిన్న చిత్రాన్ని తెరకెక్కించిన సంకల్ప్ రెడ్డి ఈ చిత్రానికి దర్శకత్వం వహిస్తున్న నేపథ్యంలో సహజంగానే అంచనాలు భారీగా ఉన్నాయి. దీంతో ‘అంతరిక్షం’కు భారీ ప్రమోషన్ చేయడానికి రెడీ అయ్యారు చిత్ర యూనిట్.
ఈ నేపథ్యంలో ఈ సినిమా ప్రీ రిలీజ్ ఈవెంట్ వచ్చేనెల 9వ తేదీన నిర్వహించాలనే నిర్ణయానికి వచ్చారు. ఈ వేడుకకి మోగా బ్రదర్స్ చిరంజీవి- పవన్ కల్యాణ్‌లను ముఖ్య అతిథులుగా విచ్చేయనున్నారని సమాచారం. మెగా బ్రదర్స్ తప్పకుండా వచ్చే అవకాశం ఉందని అంటున్నారు. వీరిద్దరు రావడానికి సరైన సమాయం ఎప్పుడు ఉందో ముందుగా తెలుసుకునే డిసెంబర్ 9వ తేదీని ఖరారు చేశారని చెబుతున్నారు. ఈ సినిమాను డిసెంబర్ 21వ తేదీన విడుదల చేయనున్నారు.
