మెగాస్టార్ చిరంజీవి 150వ సినిమా ఖైదితో రీఎంట్రీ ఇస్తే మెగాఫ్యాన్స్‌ పండగ చేసుకున్నారు. అదే విధంగా మెగా ఫ్యాన్స్‌కి మరో పండుగ చేసుకునే వార్త ఒకటి హాల్‌చల్‌ చేస్తోంది. అదెంటంటే మెగాపవర్‌స్టార్ రామ్ చరణ్ త్వరలో తండ్రి కాబోతున్నట్లు సమాచారం. చెర్రీ-ఉపాసనా ప్రేమించి పెళ్లి చేసుకుని జరిగి ఐదేళ్లు గడిచిన విషయం తెలిసిందే. చాలా రోజులుగా చరణ్, ఉపాసనాలను వెంటాడుతున్న ప్రశ్న పిల్లలు గురించి ఏం అనుకుంటున్నారు? అని.. ఇన్నాళ్లుగా ఆ ప్రశ్నకు జవాబు దాటవేస్తూ వస్తోన్న ఈ జంట త్వరలోనే గుడ్ న్యూస్ చెప్పబోతున్నట్లు తెలుస్తోంది. తాజా సమాచారం ప్రకారం ఉపాసన గర్భం దాల్చిందని తెలుస్తోంది.
ఇక తమకంటూ ప్రత్యేకంగా ఓ సొంత ఇంటిని నిర్మించుకుంటున్నామని ఉపాసన ఓ ఇంటర్వ్యూలో చెప్పిన సంగతి తెలిసిందే. ప్రస్తుతం మెగాస్టార్ చిరంజీవి తనయుడు రాం చరణ్, ఉపాసన త్వరలోనే వేరే కాపురం పెట్టనున్నారంటూ వార్తలు వస్తున్నాయి. దీంతో పాటు తమ కుటుంబంలోకి వారసుడిని తీసుకురావాలని ఈ జంట నిర్ణయం తీసుకుందట. ఈ విషయం తెలిసిన మెగాభిమానులు తమ బుల్లి మెగాస్టార్ రాబోతున్నాడని ఆనందాన్ని వ్యక్తం చేస్తున్నారు. కానీ ఈ సంగతి తెలిసిన మెగా ఫ్యామిలీ సన్నిహితులు రూమర్లుగా చెబుతున్నారు. ఏది ఎలా ఉన్న ఈ విషయంపై ఇంకా అధికార ప్రకటన రావాల్సి ఉంది.
