మ్యాచ్ ఫిక్సింగ్ కారణంగా ఆటకు దూరమై రెండేళ్ల తర్వాత మైదానంలోకి వచ్చిన చెన్నై సూపర్ కింగ్స్ ఈ ఐపీఎల్ సీజన్లో వరుస విజయాలను అందుకుంటూ ఫైనల్కి చేరింది. అయితే నిన్న సన్ రైజర్స్ హైదరాబాద్తో ఉత్కంఠ భరితంగా జరిగిన మ్యాచ్లో 5 బంతులు మిగిలి ఉండగానే విజయాన్ని నమోదు చేసింది. ఈ హ్యాపీ మూమెంట్ను చెన్నై ఆటగాళ్లు ఎంజాయ్ చేస్తున్నారు. ఆల్ రౌండర్ బ్రావో మరోసారి పాట పాడుతూ ఎంజాయి చేశాడు. డ్రెసింగ్ రూమ్లో ధోని ముందు డ్యాన్స్ చేస్తూ.. ఆట పాటలతో అలరించాడు. ఇక బ్రావోకి తోడుగా భజ్జీ కూడా స్టెపులేస్తూ.. ఎంజాయ్ చేశాడు. ఈ వీడియోను తమ ట్విట్టర్ అకౌంట్ లో పోస్టు చేసింది చెన్నై సూపర్ కింగ్స్ .
మొదట బ్యాటింగ్ చేసిన హైదరాబాద్, చెన్నై ముందు 140 పరుగుల విజయ లక్ష్యాన్ని ఉంచింది. బ్యాటింగ్ కు దిగిన ధోని సేనను బౌలింగ్ తో కట్టడి చేసినప్పటికీ హైదరాబాద్ కి ఓటమి తప్పలేదు. ఇక ఈ మ్యాచ్ లో అద్భుతమైన ఇన్నింగ్స్ ఆడాడు డూప్లెసిస్. 42 బంతుల్లో 67 పరుగులు చేసి జట్టు విజయంలో కీలకపాత్ర పోషించాడు.
చెన్నై చేతిలో ఓడిన సన్ రైజర్స్కి మరో అవకాశం ఉంది. ఆ మ్యాచ్లో హైదరాబాద్ గెలిస్తే… మళ్లీ హైదరాబాద్-చెన్నై తలపడనున్నాయి. మరీ నాలుగు జట్లలో ఏ జట్టు ఐపీఎల్-11 చాంపియన్గా నిలవనుందో చూడాలి ఇక. మరోవైపు సన్రైజర్స్ పై విక్టరీతో చెన్నై ఐపీఎల్లో ఏడోసారి ఫైనల్కి చేరింది. చెన్నై ఇప్పటికే రెండు సార్లు చాంపియన్గా నిలిచింది. ఈ సీజన్లో చెన్నై జట్టు పలు రికార్డులు నమోదు చేసింది. ఐపీఎల్ లో అత్యుత్తమ జట్టుగా చెన్నై నిలిచింది.
Champion's groovy tribute to #Thala after getting through to the #Finale! #WhistlePodu #yellove 🦁💛 @msdhoni @DJBravo47 @harbhajan_singh @lakshuakku pic.twitter.com/W9wsa23FcH
— Chennai Super Kings (@ChennaiIPL) May 22, 2018
