రామ్ చరణ్ – దర్శకుడు శంకర్ కాంబినేష‌న్‌లో గేమ్ చేంజర్ అనే సినిమా రూపుదిద్దుకుంటున్న సంగ‌తి తెలిసిందే. ఈ చిత్రంలో బాలీవుడ్ స్టార్ రణ్ వీర్ సింగ్ ఓ కీల‌క పాత్ర పోషిస్తున్నారని టాక్. చరణ్ కి అన్నయగా రణ్ వీర్ సింగ్ తెలుగులో ఎంట్రీ ఇవ్వ‌బోతున్నాడట. ఆర్ఆర్ఆర్ త‌ర‌వాత.. చరణ్ చేస్తున్న తొలి పాన్ ఇండియ‌న్ సినిమా ఇదే. అందుకే ఈ సినిమా పై భారీ అంచనాలు ఉన్నాయి.
దీనికితోడు, రణ్ వీర్ సింగ్ తో కూడా ఈ సినిమాలో నటిస్తే.. బాలీవుడ్ లో కూడా ఈ సినిమా పై అంచనాలు భారీగా పెరిగే ఛాన్స్ ఉంది. పైగా ఈ సినిమాలో రణ్ వీర్ సింగ్ ది ప్రామినెంట్ రోల్ అని తెలుస్తోంది. క‌థంతా ఆయ‌న చుట్టూనే తిరుగుతుంద‌ట. రణ్ వీర్ సింగ్ కూడా ఈ సినిమాకి బ‌ల్క్ గా డేట్లు కేటాయించిన‌ట్టు స‌మాచారం. రణ్ వీర్ సింగ్ – రామ్ చరణ్ సీన్ల‌ని జులైలో పూర్తి చేస్తార‌ని తెలుస్తోంది.
Also Read: జూన్9న అన్‌స్టాపబుల్‌ విడుదల
ఈ సినిమాకి సంబంధించిన ఫుటేజ్ ఈమ‌ధ్య బ‌య‌ట‌కు లీక్ అయ్యింది. అందులో చరణ్ గెట‌ప్‌, స్టైల్‌.. ఫ్యాన్స్‌కి తెగ న‌చ్చేశాయి. వింటేజ్ రామ్ చరణ్ ను చూస్తున్న‌ట్టుంద‌ని మెగా ఫ్యాన్స్ హ్యాపీ ఫీల‌వుతున్నారు. త్వ‌ర‌లోనే ఈ సినిమా షూటింగ్ తిరిగి స్టార్ట్ కానుంది.
Also Read: ప్రేక్షకులకు మర్చిపోలేని ఓ అనుభూతి :గౌతమి
