సూపర్ స్టార్ రజినీకాంత్ హీరోగా నటించిన బ్లాక్ బస్టర్ మూవీ ‘చంద్రముఖి’. సస్పెన్స్ కామెడీ థ్రిల్లర్‌గా తెరకెక్కిన ఈ చిత్రం బాక్సాఫీస్‌ని షేక్ చేసింది. విడుదలైన ప్రతీ చోటా మంచి టాక్‌ సంపాదించుకుంది. రజినీతో పాటు జ్యోతిక, నయనతార కూడా అదిరిపోయే పర్ఫార్మెన్స్‌లు ఇచ్చి ఈ సినిమా విజయంలో కీలక పాత్రలు పోషించారు.
సినిమా విడుదలైన ఏడేళ్ల తర్వాత సీక్వెల్ చిత్రాన్ని తెరకెక్కించేందుకు చిత్రయూనిట్ రెడీ అవుతోంది. అయితే హీరోగా లారెన్స్ నటిస్తున్నారు. ప్రముఖ నిర్మాణ సంస్థ లైకా ప్రొడక్షన్స్, దర్శకుడు పి.వాసు ఈ హార్రర్ థ్రిల్లర్ సినిమాను తెరకెక్కించనున్నారు. ఈ విషయాన్ని అఫీషియల్‌గా అనౌన్స్ చేసింది.
ఈ సినిమాలో తమిళ కమెడియన్ వడివేలు మరోసారి తన కామెడీతో ప్రేక్షకులను కడుపుబ్బా నవ్వించేందుకు రెడీ అవుతుండగా ఎంఎం.కీరవాణి సంగీతం అందిస్తున్నారు. తోట తరణి, ఆర్.డి.రాజశేఖర్ వంటి టెక్నీషియన్స్ పనిచేస్తుండటంతో భారీ అంచనాలు నెలకొన్నాయి.
