భవిష్యత్తులో అమరావతికి సినిమా రంగం రానుందన్నారు ఏపీ సీఎం చంద్రబాబు. అమరావతి టీడీపీ కేంద్ర కార్యాలయంలో మీడియాతో పిచ్చాపాటిగా మాట్లాడిన చంద్రబాబు..సినిమా రంగంలో భవిష్యత్తులో అమరావతి కూడా ప్రభావం చూపే ప్రాంతం అవుతుందన్నారు.
మొదట్లో సినిమా రంగానికి బెజవాడ కేంద్ర స్థానంగా ఉండేది.. తర్వాత తెలుగు సినిమా పరిశ్రమ హైదరాబాద్‌కు తరలి వచ్చినా ఆదాయపరంగా కోస్తా ప్రాంతమే సినిమా రంగానికి కీలకంగా ఉండేది అన్నారు.
హైదరాబాద్ జనాభా కోటి దాటి పోయి అక్కడ సినిమా రంగానికి ఆదాయం పెరిగింది.. దీంతో ఆ రంగంలో హైదరాబాద్ ప్రాముఖ్యం విస్తరించిందన్నారు. కానీ ఇప్పుడు పరిస్థితి మారింది.. తెలుగు సినిమాలకు ఇప్పుడు విదేశాల్లో ఎక్కువ ఆదాయం వస్తోందన్నారు. విదేశాలను దృష్టిలో పెట్టుకొని సినిమాల తయారీ, పంపిణీ జరుగుతోందన్నారు.
అయినా ఆదాయపరంగా రెండు తెలుగు రాష్ట్రాల్లో హైదరాబాద్‌దే ప్రముఖ స్థానం అని తెలిపారు చంద్రబాబు. భవిష్యత్తులో అమరావతి కూడా ప్రభావం చూపించే స్థాయికి రావచ్చు అన్నారు.
Also Read: కాకినాడలో గంజాయి బ్యాచ్‌..ఏకంగా కానిస్టేబుళ్లపైకే!
