తెలంగాణ పార్లమెంట్ ఎన్నికల కౌంటింగ్‌కు అన్ని ఏర్పాట్లు పూర్తయ్యాయని తెలిపారు ఎన్నికల ప్రధానాధికారి వికాస్ రాజ్. మీడియాతో మాట్లాడిన వికాస్ రాజ్…కౌంటింగ్ రోజున మద్యం షాపులు బంద్ ఉంటాయని చెప్పారు. తెలంగాణలో మొత్తం 34 కేంద్రాలలో కౌంటింగ్ జరుగుతుందని అన్ని ఏర్పా్లు పూర్తయ్యాయని వెల్లడించారు.
కౌంటింగ్ ఏజెంట్ల జాబితాను అభ్యర్థులు ఇవాళ సాయంత్రం ఈసీకి ఇవ్వాలని..ప్రతి టేబుల్‌కు ఒక మైక్రో అబ్జర్వర్ ఉంటారని వివరించారు.కౌంటింగ్ రోజున ర్యాలీలకు అనుమతి ఉండదని అన్నారు. కానీ స్థానిక పరిస్థితుల అనుగుణంగా ర్యాలీలకు పోలీస్ అనుమతి ఇస్తే చేసుకోవచ్చని తెలిపారు.
ప్రతి కౌంటింగ్ కేంద్రానికి మూడు అంచెల భద్రత ఉంటుందని …సీసీ కెమెరాలతో పూర్తి పర్యవేక్షణ ఉంటుందని అన్నారు. ఇప్పటివరకు 2,18,000 పోస్టల్ బ్యాలెట్స్ వచ్చాయని తెలిపారు. ఇవాళ సాయంత్రం 6.30 గంటల నుంచి ఎగ్జిట్ పోల్స్‌ విడుదలకు అనుమతి ఉందని చెప్పారు.
Also Read:కాంగ్రెస్,బీజేపీ మధ్యే పోటీ:కోమటిరెడ్డి
