2013లో రిలీజైన అల్లు అర్జున్ ఇద్దరమ్మాయిలతో సినిమాలో టాప్ లేచిపోద్ది అంటూ చిందేసింది కేథరిన్. అందాల ఆరబోతకు అందరికంటే ముందే సై అంటూ సిగ్నల్ ఇచ్చేసిన ఈ బ్యూటీ ప్రస్తుతం వరుస ఆఫర్లతో బిజీగా ఉంది. ఇద్దరమ్మాయిలతో చిత్రంలో అమలాపాల్‌తో కలిసి అల్లుఅర్జున్‌తో వీరలెవల్‌లో అందాలను ఆరబోసినా ఈ బ్యూటీ సరైనోడులో ఎమ్మెల్యేగా తన నటనతో ఆకట్టుకుంది. ప్రస్తుతం తమిళ, తెలుగు, మలయాళ సినిమాల్లో మంచి ఆఫర్లతో దూసుకెళ్తోంది.
మత్తు కళ్లతో యూత్‌ని మైమరిపించే కేథరిన్ ఆ మధ్య ఐటెం సాంగ్స్‌లో కూడా అదరగొట్టింది. దీంతో ఈ బ్యూటీని ఐటెం సాంగ్స్ కోసం సంప్రదించేందుకు నిర్మాతలు క్యూ కడుతున్నారట. అయితే, ఈ బ్యూటీ మాత్రం ఐటెం సాంగ్స్ చేసేది లేదని తెగేసి చెబుతోందట.
మరి ‘ జయ జానకి నాయక’లో ఎందుకు స్పెషల్ సాంగ్ చేసినట్టు? అనే ప్రశ్నకు ఆమె తనదైన శైలిలో స్పందించింది. ‘సరైనోడు’లో తనకి బోయపాటి మంచి పాత్రను ఇచ్చినందుకు కృతజ్ఞతగా చేశానని చెప్పింది. అయితే ఒక సినిమాకి ఇచ్చేంత రెమ్యునరేషన్ ఆ ఒక్క పాటకి ఇవ్వడం వల్లనే ఆమె చేసిందనే టాక్ ఫిల్మ్ నగర్లో వినబడుతోంది.
ప్రస్తుతం తెలుగులో ‘నేనేరాజు నేనే మంత్రి, ‘గౌతం నందా’ చిత్రాల్లో నటిస్తోంది. తమిళంలో విష్ణుతో ‘కధానాయగన్‌’ చిత్రంలోనూ చేస్తోంది. త్వరలోనే ఈ సినిమాలు విడుదలకు సిద్ధమవుతున్నాయి.
