ఇండియన్ టీమ్ కెప్టెన్ విరాట్ కోహ్లి.. ఆస్ట్రేలియా కెప్టెన్ స్టీవ్ స్మిత్ ల మధ్య వార్ ముగిసినట్టు లేదు. అప్పట్లో డీఆర్‌ఎస్ వ్యవహారంలో స్మిత్ వ్యవహరించిన తీరుపై పెద్ద దుమారమే చెలరేగింది. కోహ్లీకి, స్మీత్‌కి కొంత కోల్డ్‌ వార్ కూడా జరిగింది. వీరిద్దరి మధ్య వార్ అయిపోయినట్లు లేదు. తాజాగా చెన్నైలో జరిగిన తొలివన్డేలో విరాట్ కోహ్లి.. స్టీవ్ స్మిత్‌ను వెక్కిరిస్తున్న వీడియో ఒకటి వైరల్‌గా మారింది. వివరాళ్లోకి వెళ్తే.. భువనేశ్వర్ కుమార్ ఎల్బీడబ్ల్యూ అప్పీల్‌ను అంపైర్ తిరస్కరించడంతో స్మిత్ రీవ్యూ కోరాడు. అయితే రీప్లేల్లో ఇన్‌సైడ్ ఎడ్జ్ అని స్పష్టంగా తేలడంతో అంపైర్ నాటౌట్‌గా ప్రకటించాడు. ఈ సందర్భంగానే విరాట్ అచ్చూ స్మిత్‌లాగా చేయడం.. స్మిత్‌లాగే భుజాలను ఎగరేస్తూ ఔట్ అని విరాట్ వేలెత్తి చూపడం కెమెరాలో స్పష్టంగా కనిపించింది.
మొదటి వన్డే ఓటమి అనంతరం మీడియా సమావేశంలో ఓటమికి కారణాలు చెబుతూనే.. మరోపక్క టీమిండియా కెప్టెన్ విరాట్ కోహ్లీ వన్డే వ్యక్తిగత రికార్డుల గురించి స్మిత్ నోరు జారి విమర్శల పాలయ్యాడు. ‘టీమిండియా మా జట్టు కంటే ఎక్కువ వన్డేలు ఆడిన అనుభవం ఉంది. కోహ్లీ ఎన్ని ఆటలు ఆడి ఉంటాడో నాకు సరిగ్గా తెలీదు. కానీ, నేను మాత్రం వ్యక్తిగత రికార్డుల కోసం పాకులాడను. కేవలం మా జట్టు గెలుపు కోసమే ఆడతా. ఇప్పుడు భారత్‌తో సిరీస్‌ను గెలవాలనే ప్రయత్నిస్తున్నా’ అని స్మిత్ చెప్పాడు. కోహ్లీని తనను అనుకరించడాన్ని దృష్టిలో పెట్టుకొనే ఈ వ్యాఖ్యలు చేసుంటాడని కొందరు.. కోహ్లీ రికార్డులను, విజయాలను తట్టుకోలేకనే స్మిత్ ఇలాంటి కామెంట్లు చేస్తున్నాడని మరికొందరంటున్నారు. అయితే విరాట్ అచ్చూ స్మిత్‌లాగా అనుకరిస్తున్న వీడియో సోషల్ మీడియాలో హల్‌ చల్ చేస్తోంది.
https://twitter.com/rohitpandeyee/status/909380972440727552
