బ్రహ్మాస్త్ర..భారీ వసూళ్లు!

రణబీర్ కపూర్, అలియా జంటగా అయాన్ ముఖర్జీ దర్శకత్వంలో తెరకెక్కిన సినిమా బ్రహ్మాస్త్ర. నాగార్జున, అమితాబ్, మౌనిరాయ్ ముఖ్యపాత్రల్లో నటించగా పాన్ ఇండియా సినిమాగా తెరకెక్కిన ఈ చిత్రం ప్రపంచవ్యాప్తంగా సెప్టెంబర్ 9న ప్రేక్షకుల ముందుకువచ్చింది.

కొద్దిరోజులుగా సక్సెస్‌ లేక అల్లాడిపోతున్న బాలీవుడ్‌ను తలెత్తుకునేలా చేసింది. ప్రపంచవ్యాప్తంగా తొలిరోజు అన్ని భాషల్లో కలిపి రూ. 75 కోట్ల వసూళ్లును రాబట్టింది. తొలిరోజు మిక్స్‌డ్ టాక్‌ని సొంతం చేసుకున్న రెండో రోజు రూ. 50 కోట్ల వరకూ వసూళ్ళు రాబట్టింది.

ఇప్పటికే రూ. 150 కోట్ల వసూళ్లు దాటి రూ. 200 కోట్ల వైపుకు దూసుకుపోతోంది. మూడు భాగాల ఫ్రాంచైజీలో మొదటి భాగం విడుదల కాగా మిగతా రెండు భాగాలు త్వరలో విడుదల కానున్నాయి.