- Advertisement -
స్టార్ స్టూడియోస్, ధర్మ ప్రొడక్షన్స్, ప్రైమ్ ఫోకస్ మరియు స్టార్‌లైట్ పిక్చర్స్ బ్యానర్ పై బాలీవుడ్ స్టార్‌కపుల్ ర‌ణబీర్ కపూర్ , ఆలియా భ‌ట్ జంట‌గా అయాన్ ముఖర్జీ దర్శకత్వంలో తెరకెక్కుతోన్న పాన్ ఇండియా చిత్రం “బ్రహ్మాస్త్ర” . తెలుగులో “బ్రహ్మాస్త్రం” పేరుతో విడుదల చేయనుండగా ట్రైలర్‌కు మెగాస్టార్ చిరంజీవి వాయిస్ ఓవర్ ఇచ్చారు.
ట్రైలర్‌లో ఎక్కువగా VFX వాడగా దీనిపై నెటిజన్లు పెద్ద ఎత్తున ట్రోల్ చేస్తున్నారు. మాములు కథకి హాలీవుడ్ VFXలు జతచేశారని బాయ్‌కాట్ బ్రహ్మాస్త్ర అంటూ ట్విట్టర్ లో ట్రెండింగ్ చేస్తున్నారు.
దీనికి కారణం ఏంటంటే…ట్రైలర్‌లో ఓ సన్నివేశంలో రణ్‌బీర్‌ కపూర్ గుడిలోకి వెళ్తూ గంటలు కొడతాడు. అయితే ఆ సమయంలో రణ్‌బీర్‌ షూ ధరించి ఉన్నాడు. ఇప్పుడు ఇదే విమర్శలకు కారణంగా మారింది. మరి దీనిపై చిత్ర యూనిట్ ఏమైనా స్పందిస్తుందేమో చూడాలి.
- Advertisement -
